އިންޑިއާގެ ބޭރުން ބާއްވާ އަސްކަރީ ތަމްރީނަކަށް އެ ގައުމުގެ ކަނޑުގެ ސިފައިންގެ ތިން އުޅަނދެއް މާލެ އަތުވެއްޖެއެވެ.
އިންޑިއާ ހައިކޮމިޝަނުން 'އެކްސް'ގައި ކުރި ޕޯސްޓެއްގައި ވަނީ، މާލެ އައިސްފައި ވަނީ ފަސްޓް ޓްރެއިނިން ސްކޮޑްރަންގެ އައިއެންއެސް ތިރާއި އައިއެންއެސް ސުޖާތާއާއި އައިސީޖީއެސް ސަރަތީ ކަމަށެވެ.
https://x.com/HCIMaldives/status/2112816968848015700
މި ތަމްރީނު ދަތުރުގެ ސަބަބުން ދެ ގައުމުގެ ދޭދޭ ގުޅުމާއި މެރިޓައިމް ގުޅުން ވަރުގަދަވެގެން ދާނެ ކަމަށާއި، މި ދަތުރުގެ ތެރޭގައި އިންޑިއާގެ ކަނޑުމަތީ ސިފައިންނާއި ރާއްޖޭގެ ސިފައިން ގުޅިގެން ތަމްރީނުތައް ކުރިއަށް ގެންދިއުން ހިމެނޭ ކަމަށް، އިންޑިއާ ހައިކޮމިޝަނުން ކުރި ޕޯސްޓުގައިވެއެވެ.
އިންޑިއާގެ ކަނޑުގެ ސިފައިންގެ ތިން އުޅަނދަށް އެމްއެންޑީއެފުން ވެސް ވަނީ މަރުހަބާ ކިޔައިފައެވެ.
https://x.com/MNDF_Official/status/2112774535913357779
އެންމެ ފަހުން އިންޑިއާގެ ސިފައިންނާއި ދިވެހި ސިފައިން އަސްކަރީ ތަމްރީނުތައް ކުރިއަށް ގެންގޮސްފައި ވަނީ މިދިޔަ ޖަނަވަރީ މަހެވެ.
ފާހަގަކުރެވޭ ގޮތުގައި، 'ދޯސްތީ'ގެ ނަމުގައި ކޮންމެ އަހަރަކު ވެސް އެއްފަހަރު އިންޑިއާއާއި ރާއްޖެއާއި ސްރީ ލަންކާ ގުޅިގެން އަސްކަރީ ތަމްރީނުތައް ބާއްވައެވެ.