"މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމް" ގެ މިއަހަރުގެ ހަތަރުވަނަ ކޯހުގައި ބައިވެރިވުމުގެ ފުރުސަތު ހުޅުވާލައިފިއެވެ.
މި ޕްރޮގްރާމަކީ ފަރުމަސް އާލާކުރުމުގެ ދާއިރާއިން ބޭނުންވާ ފަންނީ ހުނަރު އުގަންނައިދީ، އެ ދާއިރާއަށް ޝައުގުވެރިވާ މީހުން ބިނާކުރުމަށްޓަކައި ފިޝަރީޒް މިނިސްޓްރީ އާއި މޯލްޑިވްސް މެރިން ރިސާޗް އިންސްޓިޓިއުޓުން، ވޯލްޑް ބޭންކްގެ އެހީގައި ތަންފީޒުކުރެވޭ ޓްރާންސްފޯމް ޕްރޮޖެކްޓާ ގުޅިގެން ހިންގާ ޕްރޮގްރާމެކެވެ.
ކ. މަނިޔަފުށީ ރިސާޗް އެންޑް ޓްރެއިނިންގް ފެސިލިޓީގައި ކުރިއަށްގެންދާ މި އަސާސީ މެރިކަލްޗާ ކޯސް ތާވަލުކުރެވިފައިވަނީ 31 އޮކްޓޯބަރ 2026 އިން 12 ނޮވެމްބަރ 2026 ގެ ނިޔަލަށް ކަމަށް މިކަމާ ގުޅިގެން ފިޝަރީޒް މިނިސްޓްރީން ނެރުނު އިއުލާނުގައި ބުނެފައިވެއެވެ. އަދި ޖުމްލަ 15 ބައިވެރިންނަށް ފުރުސަތު ހުޅުވާލާފައިވާ މި ފަންނީ ތަމްރީނު ޕްރޮގްރާމްގެ މުއްދަތަކީ 14 ދުވަސް ކަމަށްވެސް މިނިސްޓްރީގެ އިއުލާނުގައި ބުނެފައިވެއެވެ.
މާލޭ މަސްމާރުކޭޓުގައި ވިއްކަން ބަހައްޓާފައިހުރި ފަރުމަސްތަކެއް--- ސަން ފޮޓޯ: ޢަބްދުﷲ ހުސައިންކޯހުގައި ކިޔަވައިދިނުމަށް ހަމަޖެހިފައިވާ ބައިތައް:
- އެކްއަކަލްޗާގެ ނިޒާމުތައް.
- ދިރޭ ކަނާ އާލާކުރުން.
- ފާނަ ވިއްސައި ކުދިފާނަ ބޮޑުކުރުން.
- ހުއިފިލަޑާ ވިއްސައި ކުދި ހުއިފިލަޑާ ބޮޑުކުރުން.
- ދިވެހި މާގަޑުމަސް ވިއްސައި ކުދިމަސް ބޮޑުކުރުން.
- އިތާމުތް އާލާކުރުން.
- މޫދުވިނަ (ސީވީޑް) ހައްދައި އާލާކުރުމުގެ ތިއަރީ ކިޔަވައިދިނުން
- އާލާކުރާ ދިރުމަށް ޖެހޭ ބަލިތައް ދެނެގަތުމާއި ބަލިތަކުން ރައްކާތެރިކުރުން.
- ދިރުން އާލާކުރުމުގައި ތިމާވެށި ރައްކާތެރިކުރުން.
މި ތަމްރީނު ޕްރޮގްރާމުގައި ބައިވެރިވުމުގެ ފުރުސަތު ހުޅުވާލާފައިވަނީ މި މަހުގެ 18ވާ ބުރާސްފަތި ދުވަހުގެ 14:00ގެ ނިޔަލަށެވެ. ފޯމު ހުށަހަޅާނީ، އައިޑީ ކާޑުގެ ކޮޕީއާއެކު މޯލްޑިވްސް މެރިން ރިސާޗް އިންސްޓިޓިއުޓަށެވެ. އަދި އީމެއިލް މެދުވެރިކޮށް ފޯމު ހުށަހަޅާނީ [email protected] އަށެވެ.
ދިވެހިރާއްޖޭގައި ކުރާ ހުއިފިލަނޑާ މަސްވެރިކަމުގައި ނަގާ ބާވަތެއް ކަމަށްވާ ކައްޗަލަ... ފޮޓޯ; ތެލެނޯޓާ ވިކިޕީޑިއާމި ޕްރޮގްރާމަށް ކަނޑައެޅިފައިވާ 15 ފުރުސަތަށްވުރެ ގިނައިން ފޯމު ހުށަހަޅާފައިވާނަމަ ބައިވެރިން ހޮވުމުގައި އިސްކަންދޭނީ ފޯމު ހުށަހަޅާ ތަރުތީބުންކަމަށް ފިޝަރީޒް މިނިސްޓްރީގެ އިއުލާނުގައި ބުނެފައި ވެއެވެ.
ކޯހުގެ މުއްދަތުގައި ބައިވެރިން ތިބުމަށް ހަމަޖެހިފައިވާނީ ކ. މަނިޔަފުށި ރިސާޗް އެންޑް ޓްރެއިނިން ފެސިލިޓީގައެވެ. ކޯހުގެ ބޭނުމަށް މާލެއާއި މަނިޔަފުއްޓާ ދެމެދު ކުރާ ދަތުރުތަކާއި، ބައިވެރިންގެ ހުރުމާއި ކެއުމުގެ އިންތިޒާމު ހަމަޖައްސާނީ މޯލްޑިވްސް މެރިން ރިސާޗް އިންސްޓިޓިއުޓުންނެވެ.