ދިވެއްސާއި, އިސްލާމް އަދި ހިސާބު މާއްދާ ކިޔަވައިދޭ ވަގުތު އިތުރުކުރުމުގެ މަސައްކަތް ކުރަމުން އަންނަ ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ރޭ ވިދާޅުވެއްޖެއެވެ.
އަމީނިއްޔާ ސުކޫލުގެ 2024އާއި މިދިޔަ އަހަރުގެ އިނާމު ދިނުމުގެ ހަފްލާ ޝަރަފުވެރި ކޮށްދެއްވައި މިނިސްޓަރު ވިދާޅުވީ، ސުކޫލުތަކުގައި ކިޔަވައިދޭ މުގައްރަރު މުރާޖާކޮށް، ބަދަލު ކުރުމުގެ މަސައްކަތް ކުރަމުން އަންނަ ކަމަށެވެ.
މިހާރު ވެސް ސުކޫލުތަކުގައި ކިޔަވައިދެނީ، 2015 ވަނަ އަހަރުން ފެށިގެން އަމަލުކުރަމުން އަންނަ މުގައްރަރަކަށް ކަމަށާއި އެކަށީގެންވާ ބަދަލުތަކެއް އެ މުއްދަތުގެ ތެރޭގައި މުގައްރަރަށް އައިސްފައިނުވާ ކަމަށް ޝަފީއު ވިދާޅުވިއެވެ.
އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ރޭގެ ޖަލްސާގައި --- ފޮޓޯ/ އެޑިއުކޭޝަން މިނިސްޓްރީ
އެހެންކަމުން ޒަމާނަށް އައި ބަދަލުތަކާ އެއްކޮށް އަދި 2015އިން މިދިޔަ އަހަރުގެ ނިޔަލަށް ލިބުނު ނަތީޖާތަކަށް ރިއާޔަތްކޮށް، ރިވިޝަންތަކެއް ހަދަމުން އަންނަކަން މިނިސްޓަރު ފާހަގަކުރެއްވިއެވެ.
މިހާރަށް ވުރެ ގިނަ ވަގުތު ދިވެހި މާއްދާ ކިޔަވަން. މިހާރަށް ވުރެ ގިނަ ވަގުތު އިސްލާމް މާއްދާ ކިޔަވަން. މިހާރަށް ވުރެ ގިނަ ވަގުތު ހިސާބު މާއްދާ ކިޔަވަން. އަދި ކުދިންގެ އެކި ބަސްތައް ދަސްކުރާ ވަގުތު އިތުރުކުރުމުގެ މަސައްކަތް އެޑިއުކޭޝަން މިނިސްޓްރީން މި ދަނީ ކުރަމުންއެޑިއުކޭޝަން މިނިސްޓަރު ޑރ. އިސްމާއިލް ޝަފީއު
މިނިސްޓަރު ވިދާޅުވީ، އުންމީދަކީ އަންނަ އަހަރު ކީ ސްޓޭޖު އެކެއްގެ ދަރިވަރުން ކަމަށްވާ ގްރޭޑް އެކަކާއި ދޭއްގެ އިތުރަށް ތިނެއްގެ ދަރިވަރުންނަށް އެ ބަދަލުތައް ގެނެވޭނެ ކަމަށެވެ.
އިސްލާމާއި ދިވެއްސާއި ހިސާބު މާއްދާ ކިޔަަވައިދޭ ވަގުތު އިތުރުކުރާއިރު، އޭގެތެރެއިން ހިސާބު މާއްދާއިން ފާސްވާ ދަރިވަރުން ދަށްވާ ކަމުގެ ކަންބޮޑުވުން ތައުލީމީ ދާއިރާގެ ތަޖުރިބާކާރު ބޭފުޅުން ފާޅުކުރައްވައެވެ.
އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ހާމަކުރެއްވި ގޮތުގައި، ސްކޫލުތަކުގައި ކިޔަވައިދޭ މުގައްރަރު މުރާޖާކޮށް، ދިވެހި، އިސްލާމް އަދި ހިސާބު މާއްދާ ކިޔަވައިދޭ ވަގުތު އިތުރުކުރުމުގެ މަސައްކަތް މިހާރު ދަނީ ކުރަމުންނެވެ. އަމީނިއްޔާ ސްކޫލުގެ އިނާމު ދިނުމުގެ ޖަލްސާގައި ވާހަކަފުޅު ދައްކަވަމުން މިނިސްޓަރު ފާހަގަކުރެއްވީ، 2015 ވަނަ އަހަރުން ފެށިގެން އަމަލުކުރަމުން އަންނަ މުގައްރަރަށް އެކަށީގެންވާ ބަދަލުތަކެއް އައިސްފައިނުވާ ކަމަށެވެ. އެހެންކަމުން، ޒަމާނަށް އައި ބަދަލުތަކާއި ދަރިވަރުންގެ ނަތީޖާތަކަށް ރިއާޔަތްކޮށް، މުގައްރަރަށް ބޮޑެތި އިސްލާހުތަކެއް ގެނައުމަކީ މިހާރު ފަށާފައިވާ މުހިންމު މަސައްކަތެކެވެ.
މި ބަދަލުތަކުގެ އަމާޒަކީ ދަރިވަރުން ބަސްތައް ދަސްކުރުމަށް ހޭދަކުރާ ވަގުތު އިތުރުކުރުމާއި، މައިގަނޑު މާއްދާތަކުން ދަރިވަރުން ހޯދާ ނަތީޖާ ރަނގަޅުކުރުމެވެ. ހާއްސަކޮށް ހިސާބު މާއްދާއިން ފާސްވާ ކުދިންގެ ނިސްބަތް ދަށްވަމުންދާތީ، ތައުލީމީ ދާއިރާގެ ތަޖުރިބާކާރުންގެ ކަންބޮޑުވުންތަކަށް ހައްލެއް ހޯދުމަށް މި ބަދަލުތައް މުހިންމު ދައުރެއް އަދާކުރާނެއެވެ. އަންނަ އަހަރު ކީ ސްޓޭޖު އެކެއްގެ ދަރިވަރުންނަށް ކަމަށްވާ ގްރޭޑް އެކެއް، ދޭއް އަދި ތިނެއްގެ ދަރިވަރުންނަށް މި ބަދަލުތައް ތަންފީޒުކުރުމަށް ވަނީ އަމާޒުހިފާފައެވެ.
- ދިވެހި، އިސްލާމް އަދި ހިސާބު މާއްދާ ކިޔަވައިދޭ ވަގުތު އިތުރުކުރުމަށް ނިންމުން.
- 2015 ވަނަ އަހަރުން ފެށިގެން ބޭނުންކުރާ މުގައްރަރު މުރާޖާކޮށް ޒަމާނީ ބަދަލުތައް ގެނައުން.
- ދަރިވަރުން އެކި ބަސްތައް ދަސްކުރާ ވަގުތު އިތުރުކުރުމަށް ހާއްސަ ސަމާލުކަމެއް ދިނުން.
- އަންނަ އަހަރު ގްރޭޑް އެކެއް، ދޭއް އަދި ތިނެއްގެ ދަރިވަރުންނަށް މި ބަދަލުތައް އަމަލީގޮތުން ތަންފީޒުކުރަން ފެށުން.
- ހިސާބު މާއްދާއިން ކުދިން ފާސްވާ ނިސްބަތް ދަށްވުމުގެ މައްސަލައަށް ހައްލެއް ހޯދުމަށް މަސައްކަތްކުރުން.
- ތައުލީމީ މުގައްރަރު އަދާހަމަކުރުން: ގިނަ އަހަރުތަކަކަށްފަހު މުގައްރަރަށް އަމަލީ އަދި ޒަމާނީ ބަދަލުތަކެއް ގެނައުން.
- ވަގުތު އިތުރުކުރުން: މައިގަނޑު ތިން މާއްދާއަކަށް ދޭ ސަމާލުކަމާއި ވަގުތު އިތުރުކުރުން.
- ފެންވަރު މަތިކުރުން: ދަށްވަމުންދާ ނަތީޖާތަކަށް، ހާއްސަކޮށް ހިސާބު މާއްދާގެ ނަތީޖާއަށް ރިއާޔަތްކޮށް ފެންވަރު ރަނގަޅުކުރުން.
- ތަންފީޒީ މަރުހަލާ: އަންނަ އަހަރުގެ ކީ ސްޓޭޖު އެކަކުން ފެށިގެން ބަދަލުތައް ތަންފީޒުކުރުމަށް އަމާޒުހިފުން.
