ޖަޕާނުގެ ސަރުކާރުން ދިވެހިރާއްޖޭގެ ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީއަށް ގާތްގަނޑަކަށް ފަސްދޮޅަސް ހަ މިލިއަން ރުފިޔާ ނުވަތަ ހަތަރު ޕޮއިންޓް ތިނެއް މިލިއަން އެމެރިކާ ޑޮލަރުގެ އަގުހުރި ތަކެތި ހަދިޔާކޮށްފިއެވެ. މިއީ ޖަޕާނުގެ އިޤުތިޞާދީ އަދި އިޖުތިމާޢީ ކުރިއެރުމުގެ ޕްރޮގްރާމްގެ ދަށުން ދީފައިވާ އެހީއެކެވެ. މި ތަކެތީގެ ތެރޭގައި އަލިފާން ނިއްވާ ޕަންޕާއި ފެން ހިންދާ ޕަންޕުގެ އިތުރުން ކާރިސާތަކުން ސަލާމަތްވުމަށް ބޭނުންކުރާނެ މުހިންމު ސާމާނުތައް ހިމެނެއެވެ. މި އެހީގެ ސަބަބުން ރާއްޖޭގެ ރަށްރަށުގައި ކާރިސާތަކުން ރައްކާތެރިވުމަށް ކުރާ މަސައްކަތްތައް އިތުރަށް ހަރުދަނާވެގެންދާނެއެވެ.
- ޖަޕާނުން އެންޑީއެމްއޭއަށް ހަތަރު ޕޮއިންޓް ތިނެއް މިލިއަން ޑޮލަރުގެ ތަކެތި ހަދިޔާކުރުން
- ޖަޕާނުގެ ސަފީރާއި އެންޑީއެމްއޭގެ ސީއީއޯ މި ތަކެއްޗާ ހަވާލުވުން
- މިއީ އިޤުތިޞާދީ އަދި އިޖުތިމާޢީ ކުރިއެރުމުގެ ޕްރޮގްރާމްގެ ދަށުން ދިން އެހީއެއްކަން
- މި އެހީގެ ތެރޭގައި އަލިފާން ނިއްވާ އަދި ފެން ހިންދާ ޕަންޕުތައް ހިމެނުން
- ރާއްޖޭގެ ރަށްރަށުގެ ކާރިސާތަކުން ރައްކާތެރިވުމުގެ ޚިދުމަތްތައް ވަރުގަދަވުން
ޖަޕާނުން ރާއްޖޭގެ ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ)އަށް 4.3 މިލިއަން އެމެރިކާ ޑޮލަރުގެ އަގުހުރި ތަކެތި މިއަދު ހަދިޔާކޮށްފިއެވެ.
މިއަދު ބޭއްވި ރަސްމިއްޔާތެއްގައި ޖަޕާނުގެ ފަރާތުން އެ ތަކެތި ހަވާލުކޮށްދެއްވީ އެ ގައުމުން ރާއްޖެއަށް ކަނޑައަޅުއްވާފައި ހުންނަވާ ސަފީރު އިޝިގާމީ ރުމީކޯއެވެ. އަދި، އެންޑީއެމްއޭގެ ފަރާތުން އެ ތަކެއްޗާ ހަވާލުވެލެއްވީ އެ އޮތޯރިޓީގެ ސީއީއޯ ހިސާން ހަސަނެވެ.
އެއީ، ޖަޕާންގެ އިގުތިސާދީ އަދި އިޖުތިމާއީ ކުރިއެރުމުގެ ޕްރޮގްރާމްގެ ދަށުން ހަދިޔާކުރި ތަކެތި ކަމަށް އެންޑީއެމްއޭއިން ބުންޏެވެ.
އެންޑީއެމްއޭއިން ބުނީ، މި އެހީތެރިކަމުގެ ސަބަބުން ރާއްޖޭގެ ފަޔާ ފައިޓިންއާއި ފެންހިންދުމުގެ އިތުރުން ރަށްރަށުގެ މި ފަދަ ޚިދުމަތްތައް ވަރުގަދަކުރަން ވަރަށް ބޮޑަށް އެހީއަކަށްވާނެ ކަމަށެވެ.
ޖަޕާނުން ރާއްޖެއަށް ހަދިޔާކުރި ތަކެތީގެ ތެރޭގައި އަލިފާން ނިއްވާ ޕަންޕާއި، ފެން ހިންދާ ޕަންޕުގެ އިތުރުން އެ ފަދަ ކާރިސާތަކުން ސަލާމަތްވާން ބޭނުންކުރާ އިތުރު ސާމާނު ހިމެނެއެވެ. އެ ތަކެތީގެ ޖުމުލަ އަގު 4.3 މިލިއަން ޑޮލަރަށް އަރާއިރު އެއީ ގާތްގަނޑަކަށް 66 މިލިއަނެއްހާ ރުފިޔާއެވެ.
