ފިލްމު 'ހެޕީ ޕަޓޭލް' އަންނަ މަހު ނެޓްފްލިކްސްއަށް

ފިލްމު "ހެޕީ ޕަޓޭލް"ގެ ޕޯސްޓަރެއް--ފޮޓޯ/އެންޑީޓީވީ

އިންޑިއާގެ މަޝްހޫރު އެކްޓަރު އާމިރު ޚާންގެ ޕްރޮޑަކްޝަން ކުންފުނިން އުފެއްދި ފިލްމު 'ހެޕީ ޕަޓޭލް: ޚަތަރުނާކް ޖާސޫސް' ނެޓްފްލިކްސް މެދުވެރިކޮށް ބެލުންތެރިންނާ ހަމައަށް ގެނެސްދޭން ވަނީ ނިންމާފައެވެ. މި ފިލްމަކީ ޑާކް ކޮމެޑީގެ ވައްޓަފާޅިއަށް އުފައްދާފައިވާ ފިލްމެއް ކަމަށާއި، މި ފިލްމު ސްޓްރީމްކުރަން ފަށާނީ މި ހަފްތާގެ ބުދަ ދުވަހު ކަމަށް ނެޓްފްލިކްސްއިން ވަނީ އިއުލާނުކޮށްފައެވެ. މި ފިލްމަކީ ވީރު ދާސް ޑައިރެކްޓްކޮށް، އޭނާ މުހިންމު ރޯލެއް ކުޅޭ ފިލްމެކެވެ.

  • ފިލްމު ނެޓްފްލިކްސް މެދުވެރިކޮށް މި ހަފްތާގެ ބުދަ ދުވަހު ސްޓްރީމްކުރަން ފަށާނެ
  • މިއީ ވީރު ދާސް ޑައިރެކްޓްކޮށްފައިވާ ޑާކް ކޮމެޑީ ޖޯންރާގެ ފިލްމެއް
  • ފިލްމުގައި އާމިރު ޚާން އަދި އިމްރާން ޚާންގެ ހާއްސަ ފެނިލުމެއް ހިމެނޭ
  • ސިނަމާތަކުގައި ފިލްމަށް ބޮޑު ކާމިޔާބެއް ނުލިބުނަސް، ކާސްޓުންގެ އެކްޓިންއަށް ގިނަ ބައެއްގެ ތައުރީފު ލިބުނު

އިންޑިއާގެ އެކްޓަރު އާމިރު ޚާންގެ އަމިއްލަ ފިލްމު ކުންފުނިން ގެނެސްދިން "ހެޕީ ޕަޓޭލް: ޚަތަރުނާކް ޖާސޫސް" ނެޓްފްލިކްސްގައި ސްޓްރީމްކުރަން ފަށާނެކަން އިއުލާނުކޮށްފިއެވެ.

އެ ޕްލެޓްފޯމްއިން އިއުލާނުކޮށްފައިވާ ގޮތުގައި މި ފިލްމު ނެޓްފްލިކްސްއިން ސްޓްރީމްކުރަން ފަށާނީ މި ހަފްތާގެ ބުދަ ދުވަހުއެވެ، އެކަން ނެޓްފްލިކްސްގެ ރަސްމީ އިންސްޓަގްރާމްގައި ވެސް ވަނީ ހިއްސާކޮށްފައެވެ.

ގިނަ ރަހަތަކެއް އެކުލެވޭހެން އާމިރުގެ ޕްރޮޑަކްޝަން ކުންފުނިން ގެނެސްދިން މި ފިލްމަކީ، ޑާކް ކޮމެޑީ ޓްރެއިލާއެކެވެ. އާމިރުގެ ހާއްސަ ފެނިލުމެއް ހިމަނާފައިވާ "ހެޕީ ޕަޓޭލް"އަކީ ފިލްމުގެ ޓައިޓްލް ރޯލް ކުޅޭ އެކްޓަރު އަދި އިންޑިއާގެ ސްޓޭންޑަޕް ކޮމީޑިއަން ވީރު ދާސް ޑައިރެކްޓްކޮށްފައިވާ ފިލްމެކެވެ.

ފިލްމު "ހެޕީ ޕަޓޭލް"ގެ މަންޒަރެއްގައި އާމިރު ޚާން އަދި އިމްރާމް ޚާން--ފޮޓޯ/އެންޑީޓީވީ

ވީރުގެ އިތުރުން މި ފިލްމުގެ ކާސްޓުންގެތެރޭ މޯނާ ސިންގް، މިތިލާ ޕަލްކަރް އަދި އަމިތު ބަންޑާރީގެ އިތުރުން އާމިރުއަށް ބޮޑު ބޭބެކިޔާ އެކްޓަރު އިމްރާން ޚާން ވެސް ހިމެނެއެވެ. އިމްރާން މި ފިލްމުން ފެންނާނީ ކެމޯ ރޯލަކުންނެވެ.

އާމިރު އާއި ވީރު އިތުރު ފިލްމެއްގައި އެކީގައި މަސައްކަތްކޮށްފައިވާއިރު ދެ މީހުން އެންމެ ފުރަތަމަ މަސައްކަތްކޮށްފައި ވަނީ 2011 ވަނަ އަހަރު ރިލީޒްކުރި އެކްޝަން ކޮމެޑީ ފިލްމު "ދެއްލީ ބެއްލީ"ގައެވެ.

މި އަހަރުގެ ޖަނަވަރީ މަހުގެ 16 ވަނަ ދުވަހު ސިނަމާތަކުގައި ރިލީޒްކުރި މި ފިލްމަށް ބޮކްސް އޮފީހުގައި އެދެވޭ ތަރުހީބެއް ލިބިފައި ނެތް ނަމަވެސް ފިލްމުގެ ކާސްޓުން ފިލްމުގައި ދެއްކި މޮޅު އެކްޓިންގްއަށް ގިނަ ބަޔަކު ވަނީ ތައުރީފުކޮށްފައެވެ.

comment ކޮމެންޓް