ރޭ ގެއިން ނުކުތް ގޮތަށް ޚަބަރެއް ނުވެގެން ހޯދަން އިއުލާން ކުރި އަންހެން މީހާ މިހާރު ގެއަށް ގޮސްފައިވާ ކަމަށް ފުލުހުން މިއަދު ބުނެފިއެވެ.
ގެއްލިގެން, ފޮޓޯއާއެކު ހޯދަން އިއުލާން ކުރީ, ޅ. ނައިފަރު / ކަށިމާގެ، އުމުރުން 32 އަހަރުގެ ފާޠިމަތު ނޫރާއެވެ.
މިއަދު ހެނދުނު ފުލުހުން ކުރި އިއުލާނެއްގައި ބުނީ ރޭ އަށެއް ޖަހާކަންހާއިރު ނޫރާ ގެއިން ބޭރަށް ދިޔަފަހުން ޚަބަރެއްނުވެ ގެއްލިފައިވާ ކަމަށް، ރޭ ދަންވަރު 12:19 ހާއިރު އާއިލާއިން ފުލުހަށް މައުލޫމާތުދީފައިވާ ކަމަށެވެ.
ފުލުހުން ފަހުން ބުނީ މިއަދު 11:20 އެހައިކަންހާއިރު ނޫރާ ގެއަށް ގޮސްފައިވާ ކަމަށާއި އޭނާގެ ހާލު ރަނގަޅުކަމަށް އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ.
މީގެކުރިން ވެސް އާއްމުކޮށް ގެއްލިގެން ހޯދަން އިއުލާނުކުރާ މީހުން ވަރަށް އަވަހަށް ފެނިފައި އެބަހުއްޓެވެ.