ފިތުރު އީދު ދުވަހުގެ މުނާސަބަތުގައި މިއަދު މާލެއާއި ހުޅުމާލޭގައި އުޅަނދު ނުދުއްވޭނެ ކަމަށް އިއުލާންކޮށްފައި އޮތް ނަމަވެސް، އެ އިއުލާން ބާތިލުކޮށްފިއެވެ.
މާލޭ ސިޓީ ކައުންސިލުން ރޭ ވަނީ، މިއަދު ހަވީރު 16:00އިން 18:00އަށް މާލެ، ހުޅުމާލެ އަދި ވިލިމާލޭގައި އުޅަނދު ދުއްވުން މަނާ ވާނެ ކަމަށް އިއުލާންކޮށްފައެވެ.
ޓްރާންސްޕޯޓް މިނިސްޓްރީން އޮތީ، އީދު ދުވަހުގެ ހަވީރު އުޅަނދު ދެއްވުން މަނާ ކުރުމުގެ އިތުރުން، 16:00 އިން ރޭގަނޑު 23:30އާ ދެމެދު ގްރޭޓާ މާލެ ސަރަހައްދުގައި ބަރު އުޅަނދު ދުއްވުމަކީ ވެސް މަނާކަމެއް ކަމުގައި އިއުލާންކޮށްފައެވެ.
އެހެންނަމަވެސް މިއަދު މިނިސްޓްރީން ވަނީ އެ އިއުލާން ބާތިލުކޮށްފައިވާ ކަމަށް ބުނެފައެވެ.
އެ އިއުލާން ބާތިލުކުރި ސަބަބެއް މިނިސްޓްރީން ހާމަކޮށްފައިނުވެއެވެ.