މާދަމާ މާލެ ސަރަހައްދުގައި ހުކުރު ކުރާނީ ޒުވާން ޚަތީބުން ކަމަށް އިސްލާމީ ކަންތައްތަކާ ބެހޭ ވުޒާރާއިން ބުނެފިއެވެ.
އެ ވުޒާރާއިން މިއަދު ކޮށްފައިވާ ޕޯސްޓެއްގައި ވަނީ މާލެ ސަރަހައްދުގައި މާދަމާ ހުކުރު ޚުތުބާ ކިޔާނޭ މައުލޫއާއި ހުތުބާ ކިޔާ ޒުވާން ޚަތީބުންގެ މައުލޫމާތު ހިއްސާކޮށްފައެވެ.
މާދަމާގެ ހުކުރު ހުކުރު ޚުތުބާގެ މައުލޫއަކީ ގަޟޯ ގަދަރަށް އީމާންވުމެވެ. މާލެ ސަރަހައްދުގެ ހަ މިސްކިތެއްގައި ޒުވާން ޚަތީބުން ހުތުބާ ކިޔުމަށް ހަމަޖެހިފައި ވާއިރު އެ މިސްކިތްތަކުގައި ހުތުބާ ކިޔުމަށް ހަމަޖެހިފައި ވަނީ:
- ޙަނީދް ޙަނީފް، މަސްޖިދު ހަސަން އާދަމް، ހުޅުމާލެ ފޭސް 2
- އަޙްމަދު މާދިން އަބްދުލްސަލާމް، މަސްޖިދު އުމަރު ބުނުލް ހައްތާބު، ހުޅުމާލެ ފޭސް 1
- މުސްލިހް ބިން މުޙައްމަދު ޔޫސުފް، މަސްޖިދު އަފީފުއްދީން، މާލެ
- އިޔާސް އަޙްމަދު، މަސްޖިދު ޖަލާލުއްދީން، މާލެ
- މޫސާ މާއިސް މާޖިދު، މަސްޖިދު އަބްދުއްރަޙްމާން، މާލެ
- އާތިކް އަބްދުއްސައްތާރު، މަސްޖިދު މުޙައްމަދު ޖަމީލް ދީދީ، މާލެ
ރާއްޖޭގައި އިމާމުން ލިބުން މަދުވުމާ ގުޅިގެން ގްރޭޑް 10، 11 އަދި 12 ނިންމާފައިވާ ދަރިވަރުންގެ ތެރެއިން ހުކުރު ނަމާދުކޮށް ޚުތުބާ ކިޔުމަށް ޝައުގުވެެރިވާ ކުދިންނަށް މިނިސްޓްރީން އަންނަނީ ޒުވާން ޚަތީބުންގެ ޕްރޮގުރާމުގެ ނަމުގައި ޕްރޮގްރާމެއް ހިންގަމުންނެވެ.
މި ޕްރޮގްރާމް މުޅި ރާއްޖެއަށް ފުޅާކުރުމަށް ކުރަމުންގެދާ މަސައްކަތުގެ ތެރެއިން މީގެ ދެމަސް ކުރިން ވަނީ އައްޑޫ ސިތީއިން 18 ޚަތީބުން ތަމްރީނުކޮށްފައެވެ.
ޚަޠީބުންގެ ޕްރޮގްރާމަކީ ޚަތީބުންގެ އާ ޖީލެއް އުފެއްދުމަށްޓަކައި އިސްލާމީ ކަންތައްތަކާ ބެހޭ ވުޒާރާއިން ފަށާފައިވާ ޕްރޮގްރާމެކެވެ. މި ޕްރޮގްރާމަށް ބޮޑު ތަރުހީބެއް ލިބެމުން އަންނަކަން މިނިސްޓްރީން ވަނީ ފާހަގަކޮށްފައެވެ.