މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ލޭންޑްމާކް ޑިޒައިން މުބާރާތެއް އިންތިޒާމުކޮށް ބައިވެރިވާން މިއަދު ހުޅުވާލައިފިއެެވެ.
އެ ކޯޕަރޭޝަނުން ބުނީ، މި މުބާރަތަކީ ދިވެހި ފަންނާނުންގެ ތެރެއިން ޝައުގުވެރިވާ ފަރާތްތަކަށް އެމީހުންގެ އުފެއްދުންތެރިކަން ދައްކާލުމަށް އެހީތެރިވެދިނުން ކަމަށެވެ.
އެހެންވެ، ފަންނާނުންނަށް ޑިޒައިންތައް ކޮންސެޕްޓު އެނެލައިޒްކޮށް ހުށަހެޅުމަށް އިތުރު ވަގުތު ލިބޭނެ ކަން އެމްއެމްޕީއާރުސީން ވަނީ ފާހަގަކޮށްފައެވެ.
މުބާރާތުގެ ބައިވެރިންނަށް އިތުރަށް އެހީތެރިވުމަށާއި އެ މީހުންގެ ސުވާލުތަކަށް ޖަވާބު ދިނުމަށް ޓަކައި، އަންނަ މަހުގެ 17ވަނަ ދުވަހުގެ 14:00 ގައި މައުލޫމާތު ސެޝަނެއް ބާއްވަން އެމްއެމްޕީއާރުސީން ވަނީ ނިންމައިފައެވެ.
އެގޮތުން، އޮންލައިންކޮށް ވެސް މި ސެޝަންގައި ބައިވެރިވެވޭއިރު، މުބާރާތުގެ ލަނޑުދަނޑިތަކާއި ޖަޖިން ކްރައިޓީރިއާއި ހުށަހެޅުމުގެ ޕްރޮސެސް ބައްދަލުވުމުގައި ކިޔައިދޭނެއެވެ.
ސެޝަންގައި ބައިވެރާން ބޭނުންވާ މީހުން [email protected] އަށް މެއިލްކޮށް އަންނަ މަހުގެ 15 ދުވަހުގެ ހަވީރު 6:00 ގެ ކުރިން ރަޖިސްޓްރީ ކުރެވޭނެއެވެ. އަދި، ލޭންޑް މާކް ޑިޒައިންތައް އަންނަ މަހުގެ 28 ވަނަ ދުވަހުގެ ހަވީރު 6:00 ގެ ކުރިން މެދުވެރިކޮށް [email protected] ހުށަހެޅޭނެއެވެ.
އެމްއެމްޕީއާރުސީން ބުނީ، އެ ކޯޕަރޭޝަނުން ހޯދަނީ ރާއްޖޭގެ ތަރިކައާއި ސަގާފަތާއި ގުދުރަތީ ރީތިކަން ދައްކުވައިދޭ ފަރުމާތަކެއް ކަމަށެވެ،