ބޭންކް އޮފް މޯލްޑިވްސް (ބީއެމްއެލް)އިން ސަލާހުއްދީނާއި ހިރިޔާ ސްކޫލްގެ ސެން ކްލާސް ތަރައްގީކޮށްފިއެވެ.
މި މަސައްކަތް ކޮށްފައިވަނީ މުޖުތަމައަށް އެހީވުމަށް ބޭންކް އޮފް މޯލްޑިވްސްއިން ކުރަމުން އަންނަ މަސައްކަތުގެ ދަށުންނެވެ.
ބޭންކުން ފޯރުކޮށްދިން އެހީތެރިކަމާ އެކު އެ ދެ ސްކޫލްގެ ސެން ކްލާސްތަކުގައި ކިޔަވަމުން އަންނަ 200 ވަރަކަށް ދަރިވަރުންނަށް ކިޔަވައިދިނުމަށް އިތުރު ލުއިފަސޭހަތަކެއް ލިބޭނެ ކަމަށް އެ ބޭންކުން ބުންޏެވެ.
ބީއެމްއެލްއިން ސަލާޙުއްދީނާއި ހިރިޔާ ސްކޫލްގެ ސެން ކްލާސް ތަރައްގީކޮށްފި -- ފޮޓޯ/ ބީއެމްއެލް
އެ ދެ ސްކޫލަށް ބޭންކުން ފޯރުކޮށްދިން އެހީގެ ތެރޭގައި ކްލާސްރޫމްތައް މަރާމަތުކުރުމާއި ކުދިން އުނގެނުމަށް ބޭނުންކުރާ ތަކެތި ހޯދުން ހިމެނެއެވެ.
އެ ކްލާސްރޫމްތަކަށް ހަދިޔާކުރި ތަކެއްޗަކީ ކުދިންގެ ގާބިލުކަމާއި، އެހެން މިހުންނާއި ގުޅިގެން މުޖުތަމައުގައި ހަރަކާތްތެރިވުމަށް ބޭނުންވާ ހުނަރު ތަރައްގީކުރުމާއި، އެ ކުދިންގެ ތައުލީމީ ބޭނުންތައް ބަލައިގެން ހޯދާފައިވާ ވަސީލަތްތަކެއް ކަމަށް ބޭންކުން ބުންޏެވެ.
ބީއެމްއެލްއިން ސަލާޙުއްދީނާއި ހިރިޔާ ސްކޫލްގެ ސެން ކްލާސް ތަރައްގީކޮށްފި -- ފޮޓޯ/ ބީއެމްއެލް
ވޭތުވެދިޔަ އަހަރުތަކުގެ ތެރޭގައި ރާއްޖޭގެ އެކި ކަންކޮޅުތަކުގައިވާ 40 ސްކޫލެއްގެ ސެން ކްލާސްތަކަށް ބޭނުންވާ އާލާތްތައް ބޭންކުން ހަދިޔާކޮށްފައިވެއެވެ. ބޭންކުން ވަނީ އިމާދުއްދީން ސްކޫލުގައި ތެރަޕީ ރޫމެއް ގާއިމުކުރުމަށް ވެސް އެހީތެރިކަން ފޯރުކޮށްދީފައެވެ.
ބޭންކުން ވަނީ އަތޮޅުތެރޭގެ ސްކޫލުތަކުގެ ކޮންޕިއުޓާ ލެބް ތަރައްގީކުރުމަށް ވެސް އެހީތެރިކަން ފޯރުކޮށްދީފައެވެ.