އުރީދޫގެ ޓެލެކޮމް ތަޖުރިބާ ފެންނަ އާ ކެމްޕެއިނެއް މިއަދު ފަށައިފިއެވެ.
އުރީދޫއިން ބުނީ އާ ކެމްޕެއިންގައި، ކުންފުނީގެ ޚިދުމަތް ލިބުމުގައި އާއްމުންނަށް ދިމާވާ ބައެއް ދަތިތައް މަޖާ ކެރެކްޓާތަކެއްގެ އެހީގައި ދައްކުވައިދީ އެ މައްސަލަތަކަށް އޮތް ހައްލުތައް ދައްކުވައިދޭނެ ކަމަށެވެ.
އުރީދޫއިން ބުނީ މި ކެމްޕެއިންގައި މައިގަނޑު ގޮތެއްގައި ފެންނަ ކެރެކްޓާތައް ތައްޔާރު ކޮށްފައިވަނީ ފިލްމީ ދާއިރާގެ ޒަމާނީ ޓެކްނޮލޮޖީތައް ބޭނުންކޮށްގެންކަމަށެވެ. އަދި އޭއައި އާއި ފެންވަރު ރަނގަޅު ޕްރޮސްތެޓިކްސްގެ އެހީގައި ތަރައްގީކޮށްފައިވާ މި ކެރެކްޓާތަކުން ކަނެކްޓިވިޓީގެ މައްސަލަތައް ދިމާވާ ސަބަބުތައް ރަމްޒުކޮށްދެނީ މަޖާ، އަދި މުނިފޫހިފިލުވައިދޭ ގޮތްތަކަށް ކަމަށް އުރީދޫއިން ވަނީ ބުނެފައެވެ.
މި ކެރެކްޓާތަކަކީ އުރީދޫ މެސްކޮޓްތަކެއް ނޫންކަމަށާއި މިއީ ނެޓްވޯކްގެ ތަޖުރިބާ ދަށްވުމުން މާޔޫސްކަން މަޖާކޮށް ދައްކުވައިދިނުމަށް ބޭނުންކޮށްފައިވާ ކެރެކްޓާތަކެއްކަމަށް ވެސް ވަނީ ބުނެފައެވެ. އެގޮތުން ގޭމެއްގެ ތެރޭގައި ނުވަތަ ވީޑިއޯ ކޯލެއްގެ އެންމެ މުހިންމު ވަގުތުގައި ބަފަރިން ދައްކުވައިދޭނެއެވެ.
މި ސިލްސިލާގެ ފުރަތަމަ އިޝްތިހާރު ގޭމިން ކޮމިއުނިޓީއަށް ޚާއްސަކޮށްފައި ވާއިރު، އުރީދޫ އަކީ އެންމެ ރަގަނޅު ތަޖުރިބާއެއް ލިބޭ ގޭމިން ނެޓްވޯކްކަން ސިފަކުރެއެވެ.
އުރީދޫގެ ގްރޫޕް ޗީފް ކޮންސިއުމާ އޮފިސަރު ބިލާލް ކަޒްމީ ވިދާޅުވީ ކަނެކްޓިވިޓީއަކީ މުނިފޫހިފިލުވުމާއި މަސައްކަތާއި ދިރިއުޅުމުގެ މައިބަދައަކަށް ވާއިރު، އުރީދޫން އަންނަނީ ރަނގަޅު ނެޓްވޯކް ތަޖުރިބާއެއް ފޯރުކޮށްދެމުން ކަމަށެވެ. މި ކެމްޕޭނަކީ އުރީދޫގެ ނެޓްވޯކު ބޭނުން ކުރުމުން ކަސްޓަމަރުންނަށް ލިބިދޭ ފަސޭހަ ދައްކުވައިދީ މުނިފޫހިފިލުވުމާއި މައުލޫމާތު ލިބޭ ގޮތަށް ބެލުންތެރިންނާ ގުޅާލެވޭ ކެމްޕޭނެއްކަމަށް ކަމަށް އެ ކުންފުނިން ބުންޏެވެ.
މި ކެމްޕެއިންގައި އުރީދޫގެ އީޖާދީ، ޒަމާނީ ސޮލިއުޝަން އަދި ކަސްޓަމަރުންނަށް ދެވޭ ޚިދުމަތްތައް ފޯރުކޮށްދިނުމުގައި ކަސްޓަމާ ފަސްޓް އެޕްރޯޗެއް ބޭނުންކުރުމަށް ކުރާ މަސައްކަތް ފާހަގަކުރެވެއެވެ.
ބިލާލް އިތުރަށް ވިދާޅުވީ މި އިޝްތިހާރު ސީރީޒްގެ ކުރިއަށްހުރި ބައިތަކުގައި ފެނިގެންދާ ކޮންމެ އިޝްތިހާރަކީ ވެސް އުރީދޫގެ ކަސްޓަމަރުން މާޔޫސްކަން ދޫކޮށްލައި މެދުކެނޑުމެއް ނެތި ކަނެކްޓިވިޓީ އާއި ތަފާތު ފުރިހަމަ ތަޖުރިބާއެއް އުރީދޫއާއެކު ކުރެވޭނެ ކަމުގެ ޔަގީންކަން ލިބިގެންދާނެ އިޝްތިހާރަކަށް ވާނެކަމެވެ.