ހޮލީވުޑްގެ މަގުބޫލު ލަވަކިޔުންތެރިޔާ ޖަސްޓިން ބީބާ އޭނާގެ އަންހެނުން ހެއިލީ ބީބާ އޭނާގެ އިންސްޓަގްރާމް އެކައުންޓުން އަންފޮލޯ ކޮށްލި މައްސަލަ ހޫނު މައްސަލައަކަށް ވެއްޖެއެވެ.
ޖަސްޓިންގެ ފޭނުންނަށް ދާދި ފަހުން ފާހަގަ ވެގެން ދިޔައީ އޭނާގެ އެކައުންޓުން ފޮލޯ ކުރާ މީހުންގެ ލިސްޓުގައި ހެއިލީ ނެތް ކަމެވެ. އެއާއެކު ފޭނުން އެތައް ވާހަކަތަކެއް އެކަމާ ދައްކަން ފެށިއެވެ.
އެންމެ ގަދައަށް ދެކެވެން ފެށި އެއް ވާހަކައަކީ ޖަސްޓިން އާއި ހެއިލީ ވަކިވި ކަމެވެ. އަނެއް ބަޔަކު ބުނަމުން ދިޔައީ ދެމީހުން ވަރިވެ ވަކީން އުޅެ ދެމީހުންގެ ތެރޭގައި މައްސަލަތަކެއް ޖެހިގެން އުޅޭ ކަމަށެވެ. އަދި ކުރިއަށް އޮތް ކުޑަ ދުވަސްކޮޅެއްގެ ތެރޭގައި ވަރީގެ ވާހަކަ އިއުލާނު ކުރާނެ ކަމަށް ގިނަ ބަޔަކު ބުނަމުން ދިޔައެވެ.
ނަމަވެސް ކަންތައް ވެގެން ދިޔައީ މުޅީން ހީކޮށްގެން ތިބިގޮތާ ތަފާތު ކޮށެވެ. އާންމުން ދައްކަމުން ދިޔަ ވާހަކަތަކަށް ރައްދެއް ދެމުން ޖަސްޓިން ވަނީ އިންސްޓަގްރާމް ސްޓޯރީއެއް ޕޯސްޓުކޮށްފައެވެ. މި ޕޯސްޓުގައި ޖަސްޓިން ވަނީ ހެއިލީ އޭނާ އެކައުންޓުން އަންފޮލޯ ވެފައި ކަމަށެވެ.
އެކަމަކު އެކަންތައް ކޮށްފައިވަނީ ޖަސްޓިން ނޫން ކަމަށްވެސް އޭނާ ބުނެއެވެ. އޭނާ ބުނެފައިވަނީ އިންސްޓަގްރާމުން ހެއިލީ އަންފޮލޯ ކުރީ "މަށެއް ނޫން" ކަމަށެވެ. އަދި އެކަމަށް އިތުރަށް މައުލޫމާތު ހިއްސާކުރަމުން އޭނާ ބުނެފައިވަނީ ކޮންމެވެސް މީހަކު އޭނާ އެކައުންޓު ހެކު ކޮށްފައިވާ ކަމަށެވެ. އަދި އެ މީހަކު ވަނީ ޖަސްޓި އެކައުންޓުން ހެއިލީ އެކައުންޓް އަންފޮލޯ ކޮށްފައި ކަމަށްވެސް ޖަސްޓިން ބުނެއެވެ.
އޭނާގެ އެކައުންޓަށް ވެގެން އުޅޭގޮތް އޭނާގެ ޓީމުން މިހާރު ބަލަމުން އަންނަ ކަމަށް އޭނާ ބުނެއެވެ. ނަމަވެސް މިވާހަކަތައް އޭނާގެ ފޭނުންނަށް ގަބޫލެއް ނުކުރެވެއެވެ. އަދި އެކަމާ ގުޅިގެން އެތައް ބަޔަކު އަންނަނީ ސޯޝަލް މީޑީއާގައި ޖަސްޓިންއަށް ޖޯކު ޖަހަމުންނެވެ.