ދިވެހިބަހުގެ އެކެޑަމީ އާއި މޯލްޑިވްސް ޕޮލިސް ސާވިސްގެ ވިކްޓިމް ސަޕޯޓް ޑިޕާޓްމަންޓް ގުޅިގެން ކުރިއަށް ގެންދިޔަ ދިވެހިބަހުގެ ކޯސް ކާމިޔާބުކަމާއެކު ނިންމައިލައިފިއެވެ.
ދައުލަތުގެ އިދާރާތަކުގެ މުވައްޒަފުން ދިވެހިބަހަށް އަހުލުވެރިކުރުމަށް ދިވެހިބަހުގެ އެކެޑަމީން ކުރިއަށްގެންދާ ދިވެހިބަސް ހެޔޮ ގޮތުގައި ބޭނުންކުރަން ދަސްކޮށްދޭ ކޯސް މިފަހަރު ކުރިއަށް ގެންދިޔައީ މޯލްޑިވްސް ޕޮލިސް ސާވިސްގެ ވިކްޓިމް ސަޕޯޓް ޑިޕާޓްމަންޓްގެ އެދުމުގެ މަތިންނެވެ.
ފުލުހުންނާ ގުޅިގެން ކުރިޔަށް ގެންދިޔަ ދިވެހިބަހުގެ ކޯހުގެ ބައިވެރިންނަށް ސެޓްފިކެޓު ދެނީ --
މި ކޯސް ކުރިއަށް ގެންދިޔައީ މި މަހު 13އިން 19އަށް ދިވެހިބަހުގެ އެކެޑަމީގައެވެ. މޯލްޑިވްސް ޕޮލިސް ސާވިސްގެ ވިކްޓިމް ސަޕޯޓް ޑިޕާޓްމަންޓްގެ މުވައްޒަފުންނަށް ހާއްސަކޮށްގެން 10 ގަޑިއިރަށް ކުރިއަށް ގެންދިޔަ މި ކޯހުން ޖުމްލަ 22 ބައިވެރިން ވަނީ ސެޓްފިކެޓް ހާސިލްކޮށްފައެވެ.
ފުލުހުންނާ ގުޅިގެން ކުރިޔަށް ގެންދިޔަ ދިވެހިބަހުގެ ކޯހުގެ ބައިވެރިންނަށް ސެޓްފިކެޓު ދެނީ --
މި ކޯހުގައި މައިގަނޑު ގޮތެއްގައި ކިޔަވައިދީފައި ވަނީ ދިވެހިބަހުގެ ގަވާއިދާއި ކުށެއް ނެތް ރީތި އިބާރާތުން ލިޔާނެ ގޮތާއި އޮފީސްތަކުގައި އާންމުކޮށް ލިޔާ ލިޔުންތައް އިބާރާތް ކުރާނެ ގޮތާއި ދިވެހިބަހުން ރީތިކޮށް މުއާމަލާތުކުރާނެ ގޮތްތަކެވެ.
މި ކޯހުގައި ކިޔަވައިދެއްވީ ދިވެހިރާއްޖޭގެ ގައުމީ ޔުނިވާސިޓީގެ ފެކަލްޓީ އޮފް އާޓްސްގެ ސީނިއާ ލެކްޗަރާ އަލްފާޟިލާ އަޒީޒާ ޢަފީފާއި ދިވެހިބަހުގެ އުސްތާޛު އަބްދުލްޢަޒީޒު ޖަމާލް އަބޫބަކުރެވެ.
ބަހުގެ އެކެޑަމީން އަންނަނީ މި ފަދަ ކޯސްތައް އަބަދުވެސް ހިންގައި ހޭލުންތެރިކުރުމުގެ މަސައްކަތް ކުރަމުންނެވެ.