ދިވެހި ބަހުގެ އެކެޑަމީގެ ރައީސަކަށް ޅެންވެރިޔާ ހަސަން ޝާކިރު މުޙައްމަދު ހޮވިވަޑައިގެންފިއެވެ.
އެ މަގާމަށް ޝާކިރު ހޮވިވަޑައިގަތުން އެކެޑަމީގެ މެންބަރުން ވަނީ، މަރުހަބާ ދަންނަވާފައެވެ.
ދިވެހި ބަހުގެ އެކެޑަމީގެ ރައީސް ކަމުގެ މަގާމަށް ޝާކިރު ހޮވިވަޑައިގަތީ، ދިވެހި ބަހުގެ އެކެޑަމީގެ ރައީސް ޑރ. އަޝްރަފް އަބްދުއްރަޙީމް މިދިޔަ މަހު 31ގައި އިސްތިއުފާ ދެއްވުމުން އެ މަގާމަށް އާ ބޭފުޅަކު ހޮވުމަށް ކުރިއަށްގެންދިޔަ މަރުހަލާއަށްފަހުގައެވެ.
ދެ ހާސް ބާވީސް ވަނަ އަހަރު ދިވެހި ބަހާއި އަދަބިއްޔާތުގެ ދާއިރާއިން ޝަރަފުވެރިކަމުގެ އިނާމު ލިބިވަޑައިގެންފައިވާ ޝަކިރަކީ، ކުޅަދާނަ ލިޔުންތެރިއެކެވެ.
ޝާކިރުގެ ފޮތެއް، ގިނަ ބައެއްގެ ދިވެހި ބަހުގެ މުދައްރިސް، ސޯދުބެއާ ހަވާލުކޮށްދެއްވަނީ ---
މިހާތަނަށް އަށް ފޮތެއް ލިޔުއްވައި ނެރުއްވާފައިވާއިރު، ޅެންވެރިކަމުގެ ރޮނގުން ޚިދުމަތްތައް ވަނީ ކޮށްދެއްވާފައެވެ. އެ ދާއިރާއިން 1998 ވަނަ އަހަރު ޢާންމު ޚިދުމަތުގެ ހިތްވަރު ދިނުމުގެ އިނާމު އޭނާއަށް ވަނީ، ލިބިވަޑައިގެންފައެވެ. އޭގެއިތުރަށް، 2007 ވަނަ އަހަރު، ދިވެހި އަދަބިއްޔާތަށް ޚިދުމަތް ކުރުމުގެ ދާއިރާއިން ދިވެހި ބަހުން ވާހަކަދެއްކުންތެރިކަމުގެ ރޮނގުން ހިތްވަރު ދިނުމުގެ އިނާމު ލިބިވަޑައިގެންފައެވެ.
އަދަބީ ގިނަ ޚިދުމަތްތަކެއް މިހާތަނަށް ޝާކިރު ކޮށްދެއްވާފައިވެއެވެ. މިގޮތުން، ޅެންވެރިކަމުގެ ކޯސްތައް ހިންގެވުމާއި އަދަބީ މަސައްކަތްކުރާ މީހުންނަށް އެހީވުމުގެ އިތުރަށް އަދަބީ މުބާރާތްތަކުގައި ވަނީ ފަނޑިޔާރުކަން ކުރައްވާފައެވެ.