ސައުތު ކޭޓަރިންގެ މުވައްޒަފުންތަކަކަށް މުސާރަ ނުދޭކަމަށް ބުނާ މައްސަލައެއް ފުލުހުން މިއަދު ބަލަން ފަށައިފިއެވެ.
ފުލުހުން އެ މައްސަލަ ބަލަން ފަށައިފައި ވަނީ އަލިކިލޭގެފާނު މަގުގައި ހުންނަ ސައުތު ކޭޓަރިންގެ އޮފީސް ކުރިމަތީ، އެ ތަނުގެ މުވައްޒަފުންތަކެއް މިއަދު އިހުތިޖާޖުކުރުމާއެކުގައެވެ.
މީޑިއާތަކާ ހިއްސާކުރި މެސެޖެއްގައި ފުލުހުން ބުނީ، އެތަނުގެ މުވައްޒަފުންތަކަށް ގަވައިދުން މުސާރަ ނުދޭ މައްސަލައެއް އެ ޚިދުމަތުގެ ސަމާލުކަމަށް އައިސްފައިވާ ކަމަށެވެ.
އެގޮތުން، އެ ޚިދުމަތުގެ އެންޓި ހިއުމަން ޓްރެފިކިން ޑިޕާޓުމަންޓުން މައްސަލަ ބަލަމުން އަންނަ ކަމަށް ފުލުހުން ވަނީ ބުނެފައެވެ. ނަމަވެސް، އެ މުވައްޒަފުންނަށް މުސާރަ ނުދޭތާ ވީ ކިތައް މަސް ކަމެއް ފުލުހުން ހާމަކޮށްފައެއް ނުވެއެވެ.
މި ފަހުން ވެސް ބިދޭސީ މުވައްޒަފުންތަކަކަށް މުސާރަ ނުދީގެން އެ މީހުން ވަނީ އިހުތިޖާޖުކޮށްފައެވެ.