ހޮޅިއެއް ފަޅައިގެން ގޮސްގެން، ފެން ކެނޑުނު ހިޔާ ޓަވަރުތަކަށް އަލުން ފެނުގެ ޚިދުމަތް ދޭން ފަށައިފިއެވެ.
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނީ، ހޮޅިއެއް ފަޅައިގެން ދިޔުމުގެ ސަބަބުން ފެން ކެނޑުނީ ހިޔާ ޓަވަރު އެކަކުން ފެށިގެން އަށް ވަނަ ޓަވަރާ ހަމައަށް ކަމަށެވެ.
ކުރިން އެޗްޑީސީން 'ސަން'އަށް ބުނީ، އިރުއޮއްސި ހައެއް ޖެހުމުގެ ކުރިން އެ މައްސަލައަށް ހައްލެއް ގެނެވޭނެ ކަމަށެވެ.
ނަމަވެސް، އޭގެ ކުރިން 5:11 ގައި އެޗްޑީސީން ކުރި ޕޯސްޓެއްގައި ބުނީ، އެ ކޯޕަރޭޝަނާ އެމްޑަބްލިއުއެސްސީއާ އެއްކޮށް މަސައްކަތްކޮށް އެ މައްސަލަ މިހާރު ހައްލުކޮށްފައިވާ ކަމަށެވެ.
ވީޑިއޯތަކުން ފެންނަ ގޮތުގައި އެ ސަރަޙައްދުގައި ފެން ހޮޅިއެއް ފަޅައިގެން ދިޔުމުގެ ސަބަބުން މަގުމަތީގައި ވެސް ފެންގަނޑު އޮތީ ބޮޑުވެފައެވެ.