ބޯކޮށް ވާރޭވެހި ފެންބޮޑުވާނެ ކަމަށް ލަފާކޮށް, މޫސުމާ ބެހޭ ގައުމީ އިދާރާ މެޓް އޮފީހުން ގއ އަދި ގދ އަށް އޮރެންޖު ސަމާލު ނެރެފިއެވެ.
މެޓް އޮފީހުން ވަނީ މިއަދުގެ 12:50 އިން ފެށިގެން 15:00 އަށް ބޯކޮށް ވާރޭވެހި ފެންބޮޑުވާނެ ކަމަށް ލަފާކޮށް އެ ސަރަހައްދަށް އޮރެންޖު ސަމާލު ނެރެފައެވެ.
އެ އޮފީހުން ކުރިއަށް އޮތް 24 ގަޑީރު މޫސުން ލަފާކުރާ ގޮތުގައި ރާއްޖޭގެ ދެކުނުގެ ރައްތަކަށް ވިއްސާރަކޮށް ބައެއް ރަށްތަކަށް ބޯކޮށް ވާރޭވެހި ގުގުރުން އެކަށީގެންވާ ކަމަށާއި އެހެން ހިސާބުތަކަށް މޫސުން އާންމު ގޮތެއްގައި މޫސުން ރަނގަޅުވާނެ ކަމަށް އެ އޮފީހުން ވަނީ ލަފާކޮށްފައެވެ.
އިރުއުތުރާއި އުތުރުން އަދި ދެކުނުގެ އަތޮޅުތަކަށް ގަޑިއަކު ތިން މޭލާއި 10 މޭލާއި ދެމެދުގެ ބާރުމިނުގައި އަދި އެހެން ހިސާބުތަކަށް ގަޑިއަކު 10 މޭލަށް ވައި ގަދަވާނެ ކަމަށް ވަނީ ލަފާކޮށްފައެވެ. އަދި، ވިލާގަނޑުގައި ގަޑިއަކު 20 މޭލަށް ވައި ގަދަވާނެ ކަމަށް އެ އޮފީހުން ވަނީ ލަފާކޮށްފައެވެ.
މެޓް އޮފީހުން ވަނީ ރާއްޖޭގެ ދެކުނުގެ ކަނޑުތައް މަޑުވާނެ ކަމަށާއި އެހެން ހިސާބުގެ ކަނޑުތައް އާދައިގެ ވަރަކަށް ގަދަވާނެ ކަމަށް އަންދާޒާކޮށްފައެވެ. ޜާޅުގެ އުސްމިނުގައި ހަ ފޫޓާއި ތިން ފޫޓު ހުންނާނެ ކަމަށް އެ އޮފީހުން ލަފާކުރެއެވެ.