ރާއްޖޭގައި މަރުވި ނޭޕާލް އަންހެނެއްގެ ހަށިގަނޑާ ހަވާލުވާނެ މީހަކު ނެތިގެން، ހަށިގަނޑު މޯޗަރީގައި އޮންނަތާ 24 ވެއްޖެއެވެ.
އެނގިފައިވާ ގޮތުގައި މި އަންހެން މީހާ، ބަނޑުގައި ރިއްސާތީ މިދިޔަ ޑިސެމްބަރު މަހު އައިޖީއެމްއެޗަށް ގެންދެވުނެވެ. އަދި އޭނާ ވަނީ މިދިޔަ ޑިސެމްބަރު މަހުގެ ނުވަ ވަނަ ދުވަހު މަރުވެފައެވެ.
އަދި ވެސް އޭނާގެ ހަށިގަނޑާ ހަވާލުވާނެ މީހަކު ނެތެވެ.
މި ކަމާ ގުޅިގެން ފުލުހުން "ސަން"އަށް ބުނީ، އެ އަންހެން މީހާގެ ހަށިގަނޑު އޭނާ ނިސްބަތްވާ ގައުމަށް ފޮނުވާލުމުގެ މަސައްކަތް ކުރަމުންދާ ކަމަށެވެ. އިތުރު މައުލޫމާތު ހަމާއެއް ނުކުރެއެވެ.
އެ އަންހެން މީހާ ކުއްލި ގޮތަކަށް މަރުވުމުން، އޭނާގެ ހަށިގަނޑު މޯޗަރީއަށް ގެންދިޔައީ ފުލުހުންނެވެ.
އެނގިފައިވާ ގޮތުގައި އޭނާއަކީ މާލޭގެ ކެފޭއެއްގައި ވޭޓަރަކަށް އުޅުނު މީހެކެވެ.