ބޭންކް އޮފް މޯލްޑިވްސް (ބީއެމްއެލް)ގެ މި އަހަރުގެ ސްޕޯޓްސް ސްކޮލާޝިޕަށް ޢާއިޝަތު ހިމްނާ ޙަސަން މިއަދު ހޮވައިފިއެވެ.
މޯލްޑިވްސް އޮލިމްޕިކް ކޮމިޓީ (އެމްއޯސީ)އާ ގުޅިގެން ހިންގާ މި ސްކޮލާޝިޕަށް އެތުލީޓު ހޮވާފައިވަނީ އެމްއޯސީއިންނެވެ.
ބީއެމްއެލުން ބުނީ، ބީއެމްއެލް ސްޕޯޓްސް ސްކޮލާޝިޕަކީ އެތުލީޓުންގެ ހުނަރު ކުރިއަރުވައި ފުރިހަމަ ކާމިޔާބީއަކަށް ވާސިލުވުމަށް އެހީތެރިވުމުގެ ގޮތުން ހުރިހާ ހަރަދަކާ އެކު ރާއްޖޭން ބޭރުގެ ހައި ޕަފޯމަންސް ޓްރެއިނިން ސެންޓަރުތަކުން ތަމުރީނު ހޯދަން ފުރުސަތު ފަހިކޮށްދޭ ސްކޮލާޝިޕެއް ކަމަށެވެ.
މި ސްކޯލާޝިޕް ލިބުނު ދުވުންތެރިޔާ ހިމްނާ ވަނީ ތުރުކީގެ ކޮންޏާގައި ކުރިއަށްދިޔަ އިސްލާމިކް ސޮލިޑާރިޓީ ގޭމްސްގައި 200 މީޓަރު ދުވުމުގެ ގައުމީ ރިކޯޑު ވަނީ އާ ކޮށްފައެވެ.
ރާއްޖޭގެ ދުވުންތެރިއަކު ހެދި 100 މީޓަރު ދުވުމުގެ ގައުމީ ރިކޯޑު ވެސް އައިޝަތު ހިމްނާ ހަސަން ވަނީ މުގުރާލައިފައެވެ.