ރާއްޖެއިން ގަވައިދާ ޚިލާފަށް ބޭރުކުރަން އުޅުނު މިޔަރާއި މަޑިމަސްތަކެއް ކަސްޓަމްސްއިން އަތުލައިގަނެ، ނައްތާލައިފިއެވެ.
ކަސްޓަމްސްއިން ބުނީ އެ ތަކެއްޗަކީ އެ ޚިދުމަތަށް ލިބުނު މައުލޫމާތަކާ ގުޅިގެން، ކޮންޓެއިނާއެއް ބަލައިފާސްކުރުމުގެ ތެރޭގައި ފެނުނު ތަކެތި ކަމަށެވެ.
މިޔަރާއި މަޑީގެ ބާވަތްތަކަކީ ދިވެހިރާއްޖޭގެ މަސްވެރިކަމުގެ އާންމު ގަވާޢިދުގެ ދަށުން ހިފުމާއި، ބޭނުމާއި، ނެގުމާއި، މެރުން މަނާ ބާވަތްތަކާއި އެކްސްޕޯޓް ކުރުން މަނާ ބާވަތްތައްކެކެވެ.
ކަސްޓަމްސްއިން ހޯދި މިޔަރާއި މަޑިމަސް ނައްތާލުން --- ފޮޓޯ/ ކަސްޓަމަސް
އެ ތަކެއްޗަކީ ނެތިދިއުމުގެ ބިރުހީވެފައިވާ ދިރޭތަކެތީގެ ބައިނަލްއަގްވާމީ ވިޔަފާރި ކޮންޓްރޯލްކުރުމުގެ ގާނޫނުގެ ދަށުން ރާއްޖެއިން ބޭރުކުރުން ވެސް މަނާތަކެއްޗެވެ.
އެހެންވެ، ކ. ތިލަފުށި ކުނި ނައްތާލާ ސަރަހައްދުގައި މިދިޔަ އާދިއްތަ ދުވަހު ނައްތާލައިފައިވާ ކަމަށް ކަސްޓަމްސްއިން ބުންޏެވެ.