އިންޑިއާގެ އިތުރުން ބޭރު ގައުމުތަކުގެ ވަރަށް ގިނަ ރައްޔިތުންގެ ލޯބި ހޯދާފައިވާ އެކްޓަރު ސޯނޫ ސޫދު އަލަށް ޑައިރެކްޓް ކުރާ ފިލްމު "ފަތޭ"ގެ ޓްރެއިލާ ދައްކާލައިފިއެވެ.
މި ޓްރެއިލާ ރިލީޒް ކުރަމުން ސޯނޫ ބުނެފައި ވަނީ މިއީ ސައިބް ކްރައިމް ދުނިޔޭގެ ސިލްސިލާތަކަށް ނިމުން ގެނެސްދޭނެ ވަރަށް އާދަޔާ ޚިލާފު ފިލްމަކަށް ވާނެ ކަމަށެވެ.
ހަމައެއާއެކު މިއީ ބައިނަލްއަޤްވާމީ ފިލްމުތަކުން ފެންނަ ފެންވަރުގެ އެކްޝަން ސީންތައް ހިމެނޭ، ބޭރު ޤައުމުތަކުގެ މީހުން އުއްމީދު ކުރާ އިންޓަނޭޝަނަލް ފެންވަރުގެ ފިލްމެއް ކަމަށް ވެސް ސޯނޫ ވަނީ ބުނެފައެވެ.
ސޯނޫ ލީޑް ރޯލްއިން ފެންނާނެ މި ފިލްމުގައި އެކްޓަރު ކުޅެފައި ވަނީ އެކްސް ސްޕެޝަލް އޮޕްސް އޮފިސަރެއްގެ ރޯލެވެ. ޑިޖިޓަލް ދުނިޔޭގެ ޓެރަރިޒަމާ ގުޅުންހުރި ގިނަ ހާދިސާތަކެއް ދައްކުވައިދޭ މި ސައިބް ކްރައިމް ފިލްމަކީ ނުރައްކާތެރި ސްކޭމްތަކުގެ ޝިކާރައަށްވާ ގިނަ ބަޔަކު އެކަމުން ސަލާމަތްވުމަށް އެޅިދާނެ ފިޔަވަޅުތަކަށް ވެސް އަހުލުވެރިވާނެ ފިލްމެއް ކަމަށާއި އެފަދަ ސްކޭމްތަކުން ރައްކާތެރިކަން ހޯދާނެ ގޮތްތައް ވެސް ފިލްމުން އެނގޭނެ ކަމަށް އެކްޓަރު ވަނީ ބުނެފައެވެ.
އަންނަ މަހުގެ 10 ވަނަ ދުވަހު ރިލީޒްކުރާ މި ފިލްމުގެ ބަތަލާގެ ރޯލްއިން ޖެކްލީން ފެނާޑެޒް ފެންނާނެއިރު ފިލްމުގެ ވިލެންގެ ރޯލަކީ ތަޖުރިބާކާރު އެކްޓަރު ނަސީރުއްދީނު ޝާހްއެވެ.
މި ފިލްމަށް ބޮކސް އޮފީހުގައި ލިބޭ އާމްދަނީ ޚައިރާތުގެ ގޮތުގައި ހޭދަކުރަން ބޭނުންވަނީ އުމުރުން ދުވަސްވެފައިވާ މީހުން ބަލަހައްޓާ ތަންތަނުގެ އިތުރުން ޔަތީމު ޚާނާތަކަށް ކަމަށް ސޯނޫ ވަނީ ބުނެފައެވެ.