ފަލަސްތީނަށް ބޭނުންވާ އިންސާނީ އެހީ ފޯރުކޮށްދިނުމާ ބެހޭގޮތުން އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ)ގެ އިސްތިޝާރީ ލަފައަކަށް އެދި އދ.ގެ އާއްމު މަޖިލީހުން ފާސްކުރި ގަރާރަށް ދިވެހިރާއްޖެއިން ތާއީދުކޮށްފިއެވެ.
މި ގަރާރު ހުށަހަޅާފައިވަނީ ނޯވޭގެ އިސްނެގުމާއެކު، އެހެން ގައުމުތައް ހިމެނޭ ގްރޫޕަކުންނެވެ.
ރާއްޖެއިން ކޯ-ސްޕޮންސާކޮށްފައިވާ މި ގަރާރު މިދިޔަ ބުރާސްފަތި ދުވަހު ފާސްކޮށްފައިވަނީ ދިވެހިރާއްޖެ ހިމެނޭހެން 137 މެމްބަރު ގައުމުގެ ވޯޓާއެކުއެވެ.
ފިނޭންސް މިނިސްޓްރީން ބުނީ މި ގަރާރަށް ލިބިފައިވާ ތާއީދަކީ، 1967 ވަނަ އަހަރުގެ ކުރިން އޮތް އިންތަކުގެ މައްޗަށް ބިނާކޮށް ފަލަސްތީނުގެ މިނިވަން އަދި ސިޔާދަތީ ދައުލަތެއް ގާއިމުކުރުމަށް ކުރެވެމުންދާ މަސައްކަތަށް ލިބޭ ބާރެއް ކަމަށެވެ.
ރާއްޖެއިން ގަބޫލުކުރާ ގޮތުގައި މިއީ އދ. އާއި ބައިނަލްއަގްވާމީ ޖަމިއްޔާތަކާއި އެހެން ގައުމުތަކުން ފަލަސްތީނުގެ ރައްޔިތުންނަށް އެހީތެރިކަން ފޯރުކޮށްދިނުމަށް ކުރަމުންދާ މަސައްކަތްތައް ދަމަހައްޓަން އެޅޭ މުހިންމު ފިޔަވަޅެއް ކަމަށެވެ.
ރާއްޖެއިން ވަނީ އެކި ގޮތްގޮތުން ފަލަސްތީނަށް އެހީތެރިކަން ފޯރުކޮށްދީފައެވެ.