ކޮންމެ ރަމަޟާން މަހަކަށް ސައުދީ ސަރުކާރުން ދެއްވާ 50 ޓަނުގެ ކަދުރު ޝިޕްމަންޓު ރާއްޖެ އަތުވެއްޖެ ކަމަށް އިސްލާމީ ކަންތައްތަކާބެހޭ ވަޒީރު ޑރ. މުޙައްމަދު ޝަހީމް އަލީ ސައީދު މިރޭ ވިދާޅުވެއްޖެއެވެ.
ޝަހީމް މިރޭ ހިއްސާކުރެއްވި މެސެޖެއްގައި ވަނީ ސައުދީ އަރަބިއްޔާގެ ސަރުކާރުން ކޮންމެ އަހަރެއްގެ ރަމަޟާން މަހަށް ހަދިޔާކުރާ 50 ޓަނުގެ ކަދުރު ރާއްޖެ އަތުވެފައިވާކަމަށެވެ.
އަދި އެ ކަދުރު މިހާރު މިނިސްޓްރީއަށް ލިބިފައިވާ ކަމަށާއި ރޯދަމަހުގެ ކުރީން އެ ކަދުރު ބަހައި ނިންމާނެ ކަމަށް ވަޒީރު ވަނީ ވިދާޅުވެފައެވެ.
ވަޒީރު ވިދާޅުވީ މިފަހަރު ކަދުރު ބެހުމުގައި މިސްކިތްތަކުގައި ރޯދަ ވީއްލުމުގެ ޕްރޮގްރާމްތައް ހިންގަން ބޭނުންވާ ޖަމިއްޔާތަކަށް ވެސް ކަދުރުން ބައެއް ދޭނެކަމަށެވެ.
ސައުދީ އަރަބިއްޔާ ސަރުކާރުން ކޮންމެ އަހަރެއްގެ ރަމަޟާންމަހަށް ވެސް ރާއްޖެއަށް ކަދުރު ހަދިޔާކުރެއެވެ. ނިމިދިޔަ އަހަރު ހަދިޔާކުރި ކަދުރު ބަހާފައި ވަނީ ރަމަޟާން މަސް ނިމުމާ ގާތްވެފައި ވަނިކޮށެވެ.