ބޮލީވުޑްގެ ފިލްމީ ތަރިން ކަމަށްވާ ޝާހިދު ކަޕޫރާއި ތުރިޕްތީ ދިމްރީ އެކީގައި ފުރަތަމަ ފަހަރަށް ކުޅޭ ފިލްމު "އަރުޖުން އުސްތާރާ"ގެ ޝޫޓިންގް އަންނަ މަހުތެރޭ ފަށަން ނިންމައިފިއެވެ.
މި ފިލްމަކީ ވިޝާލް ބަރަދްވާޖް ޑައިރެކްޓްކުރާ އިންޑިއާގެ ތާރީޚާ ގުޅުންހުރި ވާހަކަތަކެއް ކިޔައިދޭނެ ފިލްމެކެވެ. ފިލްމުގެ ޕްރީ-ޕްރޮޑަކްޝަންގެ މަސައްކަތް މިހާރު ފެށިފައިވާއިރު މުމްބާއީގައި ފިލްމުގެ ޝޫޓިންގް ފެށުމަށް ވަރަށް ބޮޑު ސްޓޫޑިއޯއެއް ވެސް ވަނީ ތައްޔާރުކުރެވިފައެވެ.
މި ފިލްމަކީ ވިޝާލްއާ އެކު ޝާހިދު މަސައްކަތްކުރާ ތިންވަނަ ފިލްމެވެ. ވިޝާލްއާ އެކު ޝާހިދު ކުރިން މަސައްކަތްކުރި ފިލްމުތަކުގެތެރޭ "ރަންގޫން"، "ކަމީނޭ" އަދި "ހައިދަރު" ހިމެނެއެވެ. ސާޖިދު ނަދިއަދުވާލާ ޕްރޮޑިއުސްކުރާ "އަރުޖުން އުސްތާރާ"ގެ މަސައްކަތް ފެށުމަށް ޝާހިދު ތައްޔާރުވަމުން އަންނައިރު އެކްޓަރު އެންމެފަހުން ކުޅުނު ފިލްމު "ދޭވާ" އަންނަ މަހުގެ 31ގައި ސިނަމާތަކަށް ގެންނަން ވަނީ ނިންމާފައެވެ.
ބަތަލާ ތުރިޕްތީ އެކްޓަރު ރާޖްކުމާރު ރާއޯއާ އެކު ފިލްމު "ވިކީ ވިދިއާ ކާ ވޯ ވާލާ ވީޑިއޯ"ގެ މަންޒަރެއްގައި--ފޮޓޯ/ޒޫމް
އިންޑިއާގެ ނެޝަނަލް ކްރަޝްގެ ގޮތުގައި ގިނަ ބަޔަކު މުހާތަބް ކުރާ ބަތަލާ ތުރިޕްތީ އެންމެ ފަހުން ބެލުންތެރިންނަށް ފެނިފައި ވަނީ މިދިޔަ މަހު ރިލީޒްވި ފިލްމު "ބޫލް ބުލައްޔާ 3"އިންނެވެ.
ފިލްމު "އެނިމަލް"އިން ގިނަ ބައެއްގެ މަގުބޫލުކަން ލިބުނު ބަތަލާގެ އިތުރު ދެ ފިލްމެއް މި އަހަރު ރިލީޒްވިއިރު އެ ދެ ފިލްމަށް ވެސް ބެލުންތެރިންގެ ބޮޑު ތަރުހީބެއް ވަނީ ލިބިފައެވެ.
އެއީ ދަރުމާ ކުންފުނިން ގެނެސްދިން ފިލްމު "ބޭޑް ނިއުސް" އަދި އަދި އެކްޓަރު ރާޖްކުމާރު ރާއޯއާ އެކު ކުޅުނު ފިލްމު "ވިކީ ވިދިއާ ކާ ވޯ ވާލާ ވީޑިއޯ"އެވެ.