މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ)އިން އިންޓަނޭޝަނަލް ލަގްޒަރީ ޓްރެވަލް މާކެޓް (އައިއެލްޓީއެމް)ގެ ފްލޭގްޝިޕް ޝޯ، އައިއެލްޓީއެމް ކާންސްގައި ބައިވެރިވެ، ރާއްޖެ ޕްރޮމޯޓުކުރަން ފަށައިފިއެވެ.
މިޝޯއަކީ ފްރާންސްގައި ބާއްވާ ޓްރެވަލް ޓްރޭޑް ފެއާތަކުގެ ތެރެއިން ދުނިޔޭގެ އެންމެ ބޮޑު އެއް ލަގްޒަރީ ޓްރެވަލް ފެއާއެވެ. މިދިޔަ ހޯމަ ދުވަހު ފެށި މި ހަރަކާތް މާދަމާގެ ނިޔަލަށް ފްރާންސްގެ ޕެލޭ ޑެ ފެސްޓިވަލްސް އެ ޑު ކޮންގްރޭގައި ކުރިއަށްދާނެއެވެ.
އައިއެލްޓީއެމް ކާންސްގައި އެމްއެމްޕީއާރުސީން ބައިވެރިވުމުގެ މަގުސަދަކީ ދިވެހިރާއްޖޭގެ ލަގްޒަރީ ޕޮޒިޝަނިން ވަރުގަދަކޮށް، ސަނީ ސައިޑް އޮފް ލައިފްގައި ލިބެން ހުރި ހާއްސަ ތަޖުރިބާތައް ދައްކާލުން ކަމުގައި އެމްއެމްޕީއާރުސީން ވަނީ ފާހަގަކޮއްފައެވެ.
މި ހަރަކާތުގެ ސަބަބުން ބައިނަލްއަޤްވާމީ މާކެޓްތަކުގެ ތެރެއިން ފްރާންސްގެ އިތުރުން އެހެން މާކެޓްތަކުގެ ލަގްޒަރީ ޓްރެވަލް ޓްރޭޑް މެންބަރުންނާ ބައްދަލުކުރުމަށް އަގުހުރި ފުރުސަތުތައް ލިބޭނެއެވެ. މިއީ ވިޔަފާރީގެ ބައްދަލުވުންތަކާއ،ި ތައުލީމީ ސެޝަންތަކާއ،ި ނެޓްވޯކިން
އިވެންޓްތައް ކުރިއަށް ގެންދިއުމަށް މުހިންމު ޕްލެޓްފޯމެކަށް ވާނެކަމަށް އެމްއެމްޕީއާރުސީން ބުންޏެވެ.
ދިވެހިރާއްޖޭގެ ފަތުރުވެރިކަމުގެ ސިނާއަތުގެ ލަގްޒަރީ ސެކްޓަރުގެ 67
ކުންފުންޏެއްގެ 12 މަންދޫބުން މި ހަރަކާތުގައި ވަނީ ބައިވެރިވެފައެވެ. އަދި އެ ކުންފުނިތަކުގެ ތަފާތު ލަގްޒަރީ އުފެއްދުންތަކާއި ހިދުމަތްތައް ހުށަހެޅުމަށް ވަނީ ހަމަޖެހިފައެވެ.
އެ ކުންފުނިތަކަކީ އަލީލާ ކޮތައިފަރު މޯލްޑިވްސ،ް އަމިއްލަ ފުށި، ބްލިސް މޯލްޑިވްސް ޕްރައިވެޓް ލިމިޓެޑް، ފިނޮޅު ބާ އެޓޯލް މޯލްޑިވްސް، ޖޭއޭ
މަނަފަރު، ދަ ނޯޓިލަސް މޯލްޑިވްސް، އަދި ވިލާ ރިސޯޓްސްއެވެ.
އިންޓަނޭޝަނަލް ލަގްޒަރީ ޓްރެވަލް މާކެޓް އައިއެލްޓީއެމްގެ ފްލޭގްޝިޕް ޝ،ޯ ގެ ތެރެއިން: އެމްއެމްޕީއާރުސީން އައިއެލްޓީއެމްގެ ފްލޭގްޝިޕް ޝޯ ކާންސް ބައިވެރިވ،ެ ރާއްޖެ ޕްރޮމޯޓްކުރަނީ--- ފޮޓޯ/އެމްއެމްޕީއާރުސީ
އައިއެލްޓީއެމް ކާންސް 2024 ގައި ރާއްޖޭގެ ސްޓޭންޑް ފަރުމާކުރެވިފައި ވަނީ ރާއްޖޭގެ ލަގްޒަރީ ފަތުރުވެރިކަމުގެ ސިފަތަކާއެކުގައެވެ. ދިވެހިރާއްޖޭގެ
ރިސޯޓްތަކާއި ލިވަބޯޑްތައް އަދި ޔުނީކް ޖިއޮގްރަފީ ހިމެނޭގޮތަށް ފަރުމާކޮށްފައިވާ ރާއްޖޭގެ ސްޓޭންޑްއިން ލަގްޒަރީ އުފެންދުންތަކާއި ތަޖުރިބާތައް ވަރަށް ފުރިހަމައަށް ދައްކުވައިދެއެވެ. މި ހަރަކާތުގެ ތެރޭގައި ލަގްޒަރީ ވިޔަފާރިވެރިންނަށް ޕާސަނަލައިޒްޑް މީޓިންތަކުގެ ތެރެއިން ސީދާ އިންޑަސްޓްރީގެ
ބައިވެރިންނާ ގުޅުމުގެ ފުރުސަތު ލިބިގެންދާއިރ،ު ރާއްޖޭގެ ޕްރީމިއަމް އޮފާތަކާ ބެހޭ ގޮތުން ވިސްނުންތައް ލިބޭނެެއެވެ.
އެމްއެމްޕީއާރުސީއިން ފާހަގަކުރި ގޮތުގައި ފްރާންސަކީ ރާއްޖެއަށް މުހިންމު މާކެޓެކެވެ. އެއީ މިއަހަރު ރާއްޖޭގެ އަށްވަނަ ސޯސް މާކެޓެވެ. އެ ގައުމުން މިއަހަރު މިހާތަނަށް 48،521 ފަތުރުވެރިން ޒިޔާރަތްކޮށްފައި ވެއެވެ.
ވިޒިޓް މޯލްޑިވްސްގެ އަމާޒަކީ ފްރާންސްގެ ބާޒާރުގައި ދިވެހިރާއްޖެ އިތުރަށް ހަރުދަނާކުރުމެވެ. އަދ،ި ވިޒިޓް މޯލްޑިވްސް އިން ފްރާންސްގެ މާކެޓަށް
އަމާޒުކޮށްގެން ފެށި ޑިސްކަވާ މޯލްޑިވްސް ވެބިނާ ސީރީޒްގެ ކުރިއަށް އޮތް ސެޝަންތައް ކުރިއަށް ގެންދިޔުމަށް ވަނީ ހަމަޖެހިފައެވެ.
ރާއްޖެއަށް މި އަހަރުގެ ވޯލްޑް ޓްރެވަލް އެވޯޑްސްގައި ޝަރަފުވެރި އެވޯޑްތައް ލިބިފައިވެއެވެ. އެގޮތުން، ރާއްޖެއިން ޖެހިޖެހިގެން ފަސްވަނަ ފަހަރަށް ވޯލްޑް ލީޑިން ޑެސްޓިނޭޝަންގެ މަގާމު ހާސިލްކޮށްފައިވާއިރު ވޯލްޑް ލީޑިން ގްރީން ޑެސްޓިނޭޝަންގެ މަގާމު ރާއްޖޭގެ ތާރީޚުގައި ފުރަތަމަ ފަހަރަށް ވަނީ ހޯދާފައެވެ.