އޮސްޓްރޭލިއާގެ ކުޑަ ކުދިން ބަލަހައްޓާ މަރުކަޒެއްގައި މަސައްކަތްކުރި މީހަކު ގާތްގަނޑަކަށް 70 އަންހެން ކުދިން ރޭޕްކޮށް ޖިންސީ ގޯނާކުރި މައްސަލައިގައި އުމުރަށް ޖަލަށް ލުމަށް ހުކުމްކޮށްފިއެވެ.
ބްރިސްބޭން ޑިސްޓްރިކްޓް ކޯޓުގައި ގްރިފްތްގެ މައްޗަށް ހިންގި ޝަރީއަތުގައި ގާޒީ ސްމިތު ވިދާޅުވީ، ގްރިފްތް ކުށް ތަކުރާރު ކުރުމުގެ ނުރައްކާ ބޮޑު ކަމަށާއި، އެހެންވެ، މަދުވެގެން 27 އަހަރަށް ޖަލަށް ލުމަށް ހުކުމް ކުރާ ކަމަށެވެ.
އުމުރުން 47 އަހަރުގެ އޭޝްލީ ޕޯލް ގްރިފިތު ވަނީ 2003 އާއި 2022 އާ ދެމެދު އޮސްޓްރޭލިއާގެ ކުއީންސްލޭންޑާއި އިޓަލީ ސްޓޭޓްގެ ކުޑަކުދިން ބަލަހައްޓާ މަރުކަޒުތަކުގައި ތިބި ކުދިންނަށް ޖިންސީ ގޯނާ ކުރި ކަމަށްބުނެ އުފުލާފައިވާ 307 ކުށަކަށް އިއުތިރާފުވެފައެވެ. އޭނާ ޖިންސީ ގޯނާކުރި ކުދިންގެ އުމުރަކީ އެއް އަހަރާއި ހަތް އަހަރާ ދެމެދު ކަމަށްވެސް ބީބީސީން ރިޕޯޓުކޮށްފައިވެއެވެ.
ގްރިފިތްގެ މައްޗަށް ނިއު ސައުތު ވޭލްސް ސްޓޭޓްގައި ވެސް ގިނަ އަދަދެއްގެ ކުޑަ ކުދިންނަށް ޖިންސީ ގޯނާ ކުރި ކަމުގެ ތުހުމަތުވެސް ވަނީ ކޮށްފައެވެ.
ގްރިފްތްސް އެންމެ ފުރަތަމަ ހައްޔަރުކުރީ 2022 ވަނަ އަހަރުގެ އޮގަސްޓް މަހު އޮސްޓްރޭލިއާގެ ފެޑެރަލް ފުލުހުންނެވެ. އޭގެ އަހަރެއްހާ ދުވަސް ފަހުން ކުޑަކުދިންނަށް ޖިންސީ ގޯނާ ކުރި ކަމުގެ 1،600 އަށް ވުރެ ގިނަ ކުށުގެ ދައުވާ އޭނާގެ މައްޗަށް އުފުލާފައިވެއެވެ. އޭގެތެރެއިން ގިނަ ދައުވާތައް ފަހުން ވަނީ އަނބުރާ ގެންގޮސްފައެވެ.