ވަރަށް މަދުން ނޫނީ ނުފެންނަ ޒާތުގެ މަލެއް ކަމަށްވާ "ކޯޕްސް ފްލާވާ" އެއް ފާއިތުވި 15 އަހަރުގެ ތެރޭގައި ފުރަތަމަ ފަހަރަށް ފޮޅިއްޖެއެވެ.
ކޯޕްސް ފްލާވާ އަކީ ޖަންގަލީ ތެރެއިން ވެސް މަދުން ނޫނީ ނުފެންނަ މަލެކެވެ. އެއާއެކު އެ ރައްކާތެރި ކުރުމަށް ޓަކައި ދުނިޔޭގެ ހިމާޔަތްކޮށްފައިވާ އެކި ސަރަހައްދުތަކުގައި މިފަދަ މާތައް ބަލަހައްޓައެވެ. މިފަދަ މާ އަޅާ ގަހެއް އޮސްޓްރޭލިއާގެ ރޯޔަލް ބަލްޓިކް ބަގީޗާގައި އެބަހުއްޓެވެ. ޓައިޓަން އަރުމް ނަމަށް ކިޔާ މި ގަހަކީ ވަރަށް މަދުން ނޫނީ މާ ނާޅާ ގަހެކެވެ.
ދާދިފަހުން ވަނީ ބަގީޗާގައި ފުރަތަމަ ފަހަރަށް 15 އަހަރުގެ ތެރޭގައި މަލެއް އަޅާފައެވެ. މިފަދަ މާ ތަކަކީ އެތައް އަހަރުތަކުގައި އެއް ފަހަރު ނޫނީ ނާޅާ އެއްޗެކެވެ. އަދި މި މާ އެޅުމުން މި ފޮޅިފައި ހުންނާނީ ވެސް ގާތްގަނޑަކަށް 24 ގަޑިއިރަށެވެ.
https://www.youtube.com/watch?v=1UKMzLBW7to&ab_channel=ABCNewsIn-depth
މި މާ ބަލާލުމަށް އެތައް ބަޔަކު ވަނީ ބަގީޗާ ސަރަހައްދަށް އެއްވެފައެވެ. އަދި އެތައް ބަޔަކު ވަނީ މާ ފޮޅޭ މަންޒަރުތައް ވީޑިއޯކޮށް، ލައިވްސްޓްރީމް ވެސް ކޮށްފައެވެ. ބައެއް ވީޑިއޯތަކުގެ ބެލުންތެރިންގެ އަދަދު ވަނީ 80،000 އަށްވުރެ ގިނަ ވެފައެވެ.
އެތަނަށް ގޮސް މާ ގާތުން ބެލި މީހުން ވަނީ އެ މަލާ ގުޅޭ ގިނަ މައުލޫމާތުތަކެއް ހިއްސާކޮށްފައެވެ. އެގޮތުން ހުރިހާ އެންމެން ވެސް ބުނެފައިވަނީ މަލުން ނުބައި ވަސް ދުވާ ކަމަށެވެ. އެއް ބައި މީހުން ބުނާގޮތުގައި މަލުން ދުވަނީ ޗީޒް ވަހެވެ. އަދި އަނެއްބަޔަކު ބުނަނީ އެއިން ދުވަނީ ތެތް އިސްޓާކީނު ވަސް ކަމަށެވެ. ނަމަވެސް ކުޑަ ހިނދުކޮޅަކަށް މީރު ވަސް މަލުން ދުވާ ކަމަށް ބައެއް މީހުން ވަނީ ބުނެފައެވެ.