ޔުއޭފާ ޗެމްޕިއަންސް ލީގުގެ ލީގު ފޭސްގައި ޖަރުމަނު ބުންޑެސްލީގާގެ ބޮރޫޝިއާ ޑޯޓްމުންޑުން ކްރޮއޭޝިއާ އެޗްއެންއެލްގެ ޑީނަމޯ ޒަގްރެބް ބަލިކޮށް، ގަދަ ހަތަރަކަށް އަރައިފިއެވެ.
ޑީނަމޯގެ ދަނޑުގައި ކުޅުނު މި މެޗު ޑޯޓްމުންޑުން ކާމިޔާބުކޮށްފައިވަނީ 3-0 އިންނެވެ.
މެޗުގައި ޑޯޓްމުންޑުން ކާމިޔާބުކުރި ފުރަތަމަ ލަނޑު މެޗުގެ 41 ވަނަ މިނެޓުގައި ކާމިޔާބުކޮށްދީފައިވަނީ ޖެމީ ގިޓެންސްއެވެ. އެ ޓީމުން ކާމިޔާބުކުރި ދެވަނަ ލަނޑު މެޗުގެ 56 ވަނަ މިނެޓުގައި ކާމިޔާބުކޮށްދިނީ ރެމީ ބެންސެބައިނީއެވެ. ފަހު ލަނޑު މެޗުގެ 90 ވަނަ މިނެޓުގައި ކާމިޔާބުކޮށްދިނީ ސާހޫ ގުރާސީއެވެ.
މި ކާމިޔާބީއާ އެކު ޑޯޓްމުންޑް މިހާރު ވަނީ 12 ޕޮއިންޓާ އެކު ހަތަރުވަނައަށް ކުރިއަށް ޖެހިލާފައެވެ. އެއީ، މިހާތަނަށް ކުޅުނު ފަސް މެޗުގެ ތެރެއިން ހަތަރު މެޗު ކާމިޔާބުކޮށްގެންނެވެ. ޑީނަމޯ ޒަގްރެބް އޮތީ ހަތް ޕޮއިންޓާ އެކު 23 ވަނައިގައެވެ.
މި މުބާރާތުގައި ސްކޮޓިޝް ޕްރިމިއާ ލީގުގެ ސެލްޓިކާއި ބެލްޖިއަމް ޕްރޯ ލީގުގެ ކްލަބް ބްރޫޖް ބައްދަލުކުރި މެޗު 1-1 އިން ވީ އެއްވަރެވެ. މެޗުގެ ފުރަތަމަ ލަނޑު މެޗުގެ 26 ވަނަ މިނެޓުގައި ޖަހައި މެޗުގެ ލީޑު ނަގައިފައިވަނީ ބްރޫޖުންނެވެ. ނަމަވެސް، މި ލަނޑަކީ ސެލްޓިކްގެ ކެމެރަން ކާޓާ ވިކާސް އަތުން ބައިކޮޅަށް ވަން ލަނޑެކެވެ. މެޗުގައި ސެލްޓިކުން މެޗުގެ ނަތީޖާ ހަމަހަމަކޮށްފައިވަނީ މެޗުގެ 60 ވަނަ މިނެޓުގައި ޑައިޒެން މައީޑާ ކާމިޔާބުކޮށްދިން ލަނޑުންނެވެ.
މެޗު އެއްވަރުވުމުން ސެލްޓިކް އަށް ޕޮއިންޓާ އެކު 20 ވަނައިގައި އޮތްއިރު ކްލަބް ބްރޫޖް އޮތީ ހަތް ޕޮއިންޓާ އެކު 22 ވަނައިގައެވެ.