ކަނޑުމަގުން ރާއްޖެ އެތެރެކުރަން އުޅުން 3.3 ކިލޯގެ މަސްތުވާތަކެތި ކަސްޓަމްސްއިން އަތުލައިގެންފިއެވެ.
މި ތަކެތި އަތުލައިގެންފައި ވަނީ މިދިޔަ އާދިއްތަ ދުވަހުއެވެ. މާލޭ ކޮމާޝަން ހާބަރުން އަތުލައިގަން މި ތަކެތީގެ ތެރޭގައި ހިމެނެނީ 2282 ގްރާމު ކެނަބިހާއި 1038 ގްރާމު ކެތިނޯނެވެ.
ކަސްޓަމުން ބުނީ މިތަކެތީގެ ޖުމުލަ ބަރުދަނުގައި 3.3 ކިލޯ ހުންނާނެ ކަމަށެވެ.
މިކަމާ ގުޅޭ އިތުރު މައުޅޫމާތު ކަސްޓަމުން ހަމަކޮށްފައެއް ނުވެއެވެ.
މިދިޔަ މަހުގެ 21ވަނަ ދުވަހު ފުލުހުން ވަނީ ފަޅުރަށެއްގައި ފޮރުވައިފައި ހުރި 163 ގްރާމް މަސްތުވާތަކެތި ހޯދާފައެވެ.