ބާސެލޯ ވޭލް ލަގޫން މޯލްޑިވްސް ރިސޯޓާއި ޓްރާންސް މޯލްޑިވިއަން އެއާވޭޒް (ޓީއެމްއޭ) ގުޅިގެން ބާސެލޯ ވޭލް ލަގޫންގައި ތިން ރޭ ހޭދަކުރުމުގެ ގިވްއަވޭ އަކަށް ކުރިމަތިލާން ހުޅުވާލައިފިއެވެ.
މި ގިވްއަވޭގެ ދަށުން ހެވޭ ނަސީބުވެރި އެއް ފަރާތަކަށް އެ ރިސޯޓުގައި ދެ މީހުންނަށް ތިން ރޭ ހޭދަކުރުމުގެ ފުރުސަތާއި ޓީއެމްއޭއިން ދޭ ދެކޮޅު ޓިކެޓު ލިބޭނެއެވެ.
މިގޮތުން، ނަސީބުވެރި ފަރާތަކަށް އިންކުލޫސިވް މީލް ޕްލޭނަކާ އެއްކޮށް ބާސެލޯ ވޭލް ލަގޫން މޯލްޑިވްސް ރިސޯޓުގެ ސަންރައިޒް ބީޗް ވިލާއެއްގައި މަޑުކުރުމުގެ ފުރުސަތު ލިބޭނެއެވެ.
MTh6bXE2ZTB5dW1vZA%3D%3D
މި ގިވްއަވޭގައި ބައިވެރިވުމަށް @barcelowhalelagoonmaldives އާއި @transmaldivian އެކައުންޓު އިންސްޓަގްރާމްއިން ފޮލޯކޮށް، ގިވްއަވޭ ޕޯސްޓަށް ލައިކު ކުރަން ޖެހެއެވެ. އެއަށް ފަހު އެ ޕޯސްޓުގައި ރައްޓެއްސަކަށް ޓެގު ކުރަން ޖެހެއެވެ.
މިގޮތުން، ޕޯސްޓުގައި ރައްޓެއްސަކަށް ޓެގު ކުރާ ކޮންމެ ފަހަރަކީ އިތުރު އެންޓްރީއެއް ކަމަށްވާއިރު، އިތުރު އެންޓްރީއަކަށް ގިވްއަވޭ ޕޯސްޓް ސްޓޯރީގައި ޝެއާކޮށް، ދެ އެކައުންޓް ވެސް ޓެގު ކުރަން ޖެހެއެވެ.
މީގެއިތުރުން، ގިވްއަވޭގައި ބައިވެރިވުމުގެ ސުންގަޑިއަކީ އަންނަ މަހުގެ 11 ކަމަށްވާއިރު، ނަސީބުވެރި ފަރާތް އިއުލާނުކުރާނީ އަންނަ މަހުގެ 15ގައި ޓީއެމްއޭއާއި ގައި ބާސެލޯ ވޭލް ލަގޫން މޯލްޑިވްސްގެ ސޯޝަލް މީޑިއާ ޕްލެޓުފޯމުތަކުގައެވެ.
މި ގިވްއަވޭ ބޭނުންކުރެވޭނީ އަންނަ އަހަރުގެ މެއި އެކަކުން ފެށިގެން 30 ސެޕްޓެމްބަރު 2025 އާ ދެމެދުގައެވެ.
ބާސެލޯ ވޭލް ލަގޫން މޯލްޑިވްސްއަކީ ފަސް ތަރީގެ ރިސޯޓެއް ކަމަށްވާއިރު، މި ރިސޯޓުގައި 100 ވިލާއާއި ތިން ރެސްޓޯރަންޓާއި ސްނެކް ބާއެއްގެ އިތުރުން ތިން ބާ ހިންގައެވެ.