ހުޅުމާލެ ދެވަނަ ފިޔަވަހީގެ ހިޔާ ޓަވަރެއްގައި މީހަކު ރަހީނުކޮށްފައި ހުއްޓައި އޭނާ މިރޭ ސަލަމާތްކޮށް، ފުލުހުގެ ބެލުމުގެ ދަށަށް ބަޔަކު ގެންގޮސްފިއެވެ.
މިކަން ހިނގައި ފުލުހުން ހިޔާ ސަރަހައްދުގައި ހަރަކާތްތެެރިވަމުން އަންނަކަން ފުލުހުން ވަނީ "ސަން"އަށް ކަށަވަރުކޮށްދީފައެވެ.
ނަމަވެސް އަދި ބަންދުކުރީ ކިތައް މީހުން ކަމާއި، މި ހާދިސާގެ އިތުުރު މައުލޫމާތު އަދި ހޯދަމުން އަންނާތީ ފުލުހުން އެ ކަންކަން ހިއްސާކޮށްފައެއް ނުވެއެވެ.
އެނގިފައިވާ ގޮތުގައި މި ހާދިސާ ހިނގީ އެޗް-09 ޓަވަރުގެ އެޕާޓްމަންޓެއްގައެވެ.
ސޯޝަލް މީޑިއާގައި ދައުރުވަމުން އަންނަ ގޮތުގައި އެ ތަނުގައި ރަހީނުކޮށްފައިވާ މީހާގެ ބޯ ވެސް ވަނީ ބާލައިފައެވެ. އަދި ތައްޔާރުވަމުން ދިޔައީ އޭނާއަށް ބޮޑެތި އަނިޔާތަކެއް ދޭންކަމަށް ވެސް ސޯޝަލް މީޑިއާގައި ދައުރުވާ ވަހަކަތަކުގައިވެއެވެ.