ދިވެހި ފިލްމް ޑައިރެކްޓަރު މުޙައްމަދު ހިލްމީ 35 އަހަރަށް ފަހުން ނެރޭ އާ ފިލްމް "ލަމްހާ"ގެ ޓައިޓަލް މިއަދު ލޯންޗުކޮށްފިއެވެ.
މި ފިލްމުގެ ޓައިޓަލް ލޯންޗުކޮށްފައި ވަނީ، ބައިސްކޯފުގައި ބޭއްވި ރަސްމިއްޔާތެއްގައެވެެ.
މި ފިލްމުގެ ލީޑް ރޯލުން ފެންނާނީ އައިޝާ އަލީއެވެ. އިތުރު ރޯލުތަކުން ފެންނާނީ އަޙުމަދު ޝާރިފްއާއި ނުޒުހަތު ޝުއައިބު (ނުޒޫ)ގެ އިތުރުން އަޙުމަދު އީސާ (އާނަންދު)އެވެ.
ފިލްމުގެ ކެމަރާ ކުރުމާއި މޭކަޕް ކުރުމުގައި ހަރަކާތްތެރި ވަނީ ރާއްޖޭން ބޭރުގެ މީހުންނެވެ. އެގޮތުން، ލަމްހާގެ ކެމަރާ ކުރާނީ އިންޑިއާ މީހެއް ކަމަށްވާއިރު، މޭކަޕް ކުރާނީ ސްރީލަންކާގެ އާޓިސްޓެކެވެ.
ފިލްމުގެ ކާސްޓުންނާއި ޑައިރެކްޓަރު މަހުދީގެ އިތުރުން މޭކަޕް އާޓިސްޓް އަދި ކެމަރާ މަން ---- ސަން ފޮޓޯ
މި ފިލްމާ ގުޅުވައި ޑައިރެކްޓަރު ހިލްމީ ވިދާޅުވީ، މި ފިލްމުގެ ސްކްރިޕްޓަކީ ވަރަށް ކުރިން ލިޔެފައި އޮތް ސްރިޕްޓެއް ކަމަށެވެ. އެގޮތުން، ފިލްމު ހަދަން އެ ސްރިޕްޓު މި ޒަމާނަށް ބަދަލުކޮށްފައިވާ ކަމަށް ހިލްމީ ވިދާޅުވިއެވެ.
ފިލްމުގެ ކާސްޓުންނަކީ ބަސް އަހައިގެން، ޑައިރެކްޓަރު ބުނާ ގޮތަށް ފިލްމަށް އެކްޓު ކުރަން އެނގޭ ކާސްޓުންތަކެއް ކަމަށް ހިލްމީ ވިދާޅުވިއެވެ.
އެކަމަކު، ފިލްމުގެ ނަތީޖާ ކަނޑައަޅާނީ އާންމުންގެ ތަރުހީބު ލިބޭ ގޮތަކުން ކަން އޭނާ ވަނީ ފާހަގަކުރައްވާފައެވެ. ފިލްމުގައި ހަރަކާތްތެރިވާން ބޭރުގެ ކެމެރާ މަނެއް ޚިޔާރު ކުރީ އެހެން ތަޖުރިބާއެއް ކުރަން ބޭނުން ވާތީކަމަށް ހިލްމީ ވިދާޅުވިއެވެ.
ޑައިރެކްޓަރު ހިލްމީ ---- ސަން ފޮޓޯ
ހިލްމީ ވިދާޅުވި ގޮތުގައި، ސްރީލަންކާއާއި އިންޑިއާގައި މި ފިލްމު އަޅުވަން ކެމެރާމަންއާއި މޭކަޕްއާޓިސްޓު ބޭނުންވެއެވެ. ހިލްމީ ސިފަކުރާގޮތުގައި މިއީ ފިލްމަށް ލިބޭ އިތުރު ކުރިއެރުމެކެވެ.
އޭގެއިތުރުން، ފިލްމުގެ ކާސްޓުން ބުނި ގޮތުގައި، މި ފިލްމަކީ ބެލުންތެރިންނަށް ނުފެންނަ ވަރަށް ތަފާތު ދާއިރާއެއްގެ ފިލްމަކަށް ވާނެއެވެ.