ޓޮމް ހާޑީ ލީޑް ރޯލް ކުޅޭ ކާމިޔާބު "ވެނަމް" ފްރެންޗައިޒްގެ ތިންވަނަ އަދި އެންމެ ފަހު ފިލްމު ބޮކްސް އޮފީހުގައި ފްލޮޕްއަކަށް ވެއްޖެއެވެ.
ވެނަމްގެ ތިންވަނަ ބައި "ދަ ލާސްޓް ޑާންސް" ދައްކަން ފަށާފައިވަނީ މިދިޔަ ހަފުތާ ބަންދާ ދިމާކޮށެވެ. ފިލްމު ރިލީޒްކުރުމުގެ ކުރީން ފިލްމު ބަލަން ދާނެ މީހުންގެ އަދަދު ގިނަވާނެ ކަމަށް ލަފާ ކޮށްފައިވެއެވެ. ނަމަވެސް، ފިލްމު އެޅުވުމާ އެކު ފެނިގެން ދިޔައީ އެއާ އިދިކޮޅު ނަތީޖާއެކެވެ.
ވެނަމްގެ ދެ ފިލްމުގެ ކާމިޔާބީއަށް ފަހު ތިންވަނަ ބައެއް އިއުލާނުކޮށްފައިވަނީ 2022 ވަނަ އަހަރެވެ.
ބޮކްސް އޮފީހުގައި ކާމިޔާބު ދެ ފިލްމަށް ފަހު ވެނަމްގެ ތިންވަނަ ފިލްމަށް ލިބެމުން އަންނަނީ ވަރަށް ފިނި ތަރުހީބެކެވެ. އެގޮތުން، ތިން ފިލްމުގެ ތެރެއިން އެންމެ ކުޑަ އޯޕެނިން އެއް ލިބިފައިވަނީ މި ފިލްމަށެވެ. ތިންވަނަ ފިލްމަށް އޯޕެނިންއަށް ލިބިފައިވަނީ 22 މިލިއަން ޑޮލަރުގެ އާމްދަނީއެކެވެ.
މިއީ ކުރީގެ ފިލްމުތަކާ އަޅާ ބަލާއިރު ކުޑަ އަދަދެކެވެ. ދެވަނަ ފިލްމަށް އޯޕެނިން އާމްދަނީގައި 45 މިލިއަން ލިބުނުއިރު ފުރަތަމަ ފިލްމަށް 65 މިލިއަން ޑޮލަރުގެ އާމްދަނީއެއް ލިބިފައިވެއެވެ.
ރިވިއުތައް ވެސް ފިލްމަށް މާ ރަނގަޅެއް ނޫނެވެ. އެގޮތުން، ތިންވަނަ ފިލްމަކީ މިހާތަނަށް ފްރެންޗައިޒްގައި އެންމެ ދަށްކޮށް ރޭޓިން ލިބިފައިވާ ފިލްމެވެ. ރޮޓެން ޓޮމާޓޯސްގައި މި ފިލްމަށް ލިބިފައިވަނީ 37 ޕަސެންޓެވެ.
"ވެނަމް"އަކީ މާވެލް ކޮމިކްސް ކެރެކްޓާއެއް އަދި ސްޕައިޑާމޭންގެ އެންޓަގޮނިސްޓެކެވެ. އަދި, ސްޕައިޑާމޭން ފަދައިން މި ކެރެކްޓާއަކީ ސޮނީ އަދި ޑިޒްނީ-މާވެލް ޔުނިވާސްގެ ޝޭއާޑް ކެރެކްޓާއެކެވެ.