ގަރުނެއްގެ މަސައްކަތުން މިސްރުން މެލޭރިއާ ނައްތާލައިފި

މިސްރުން މެލޭރިއާ ނައްތާލާފައިވާ ކަމަށް ދުނިޔޭގެ ސިއްޚަރު ޖަމުއިއްޔާ (ޑަބްލިޔުއެޗްއޯ)އިން ބުނެފިއެވެ.

"މެލޭރިއާއަކީ މިސްރުގެ ޙަޟާރަތާ އެއްވަރަށް ދުވަސްވީ އެއްޗެއް ނަމަވެސް ފިރުޢައުނުންނަށް ކުރިމަތިވި ބަލި މިހާރު ނިސްބަތްވަނީ އޭގެ ތާރީޚަށް," ޑަބްލިއުއެޗްއޯގެ ވެރިޔާ ޓެޑްރޯސް އަދަނޮމް ގެބްރެއިސަސް ވިދާޅުވިއެވެ.

މެލޭރިއާ ނައްތާލުމަށް މިސްރުގެ ކަމާބެހޭ ފަރާތްތަކުން ފުރަތަމަ މަސައްކަތް ފެށިތާ ގާތްގަނޑަކަށް 100 އަހަރު ވެދާނެ ކަމަށް ބީބީސީން ރިޕޯޓުކޮށްފައިވެއެވެ.

އާދީއްތަ ދުވަހު ނެރުނު ބަޔާނެއްގައި ޑަބްލިއުއެޗްއޯއިން ވަނީ މިސްރުގެ ސަރުކާރާއި ރައްޔިތުން މެލޭރިއާ ނައްތާލުމަށް ކުރި މަސައްކަތަށް ތައުރީފުކޮށްފައެވެ.

އދގެ ޕަބްލިކް ހެލްތު އެޖެންސީން ބުނި ގޮތުގައި މިސްރުގައި މަދިރި މަދުކުރުމަށް ފުރަތަމަ މަސައްކަތް ފެށީ 1920 ގެ އަހަރުތަކުގައި ގޭގެ ކައިރީގައި ދަނޑުވެރިކަން ކުރުމާއި ދަނޑުވެރިކަމުގެ ބާވަތްތައް އިންދުން މަނާކޮށްގެންނެވެ.

އިރުމަތީ މެޑިޓެރޭނިއަން ސަރަހައްދުގައި ޔުނައިޓެޑް އަރަބް އެމިރޭޓްސްއާއި މޮރޮކޯއަށް ފަހު މި ސެޓްފިކެޓް ލިބުނު ތިންވަނަ ގައުމަކީ މިސްރެވެ.

ބައްޔެއް ނައްތާލާފައިވާ ކަމަށް ސެޓްފިކެޓް ދެނީ ޖެހިޖެހިގެން ތިން އަހަރު ވަންދެން ބަލި ފެނިފައިނުވާ ގައުމުތަކަށެވެ.

މެލޭރިއާ ޖެހިގެން ކޮންމެ އަހަރަކު މަދުވެގެން 600،000 މީހުން މަރުވާއިރު، އެންމެ ގިނައިން މީހުން މަރުވަނީ އެފްރިކާގައެވެ.

ދުނިޔޭގެ ފެންވަރުގައި 44 ގައުމަކުން ވަނީ މެލޭރިއާ ނައްތާލާފައެވެ. ހިމަބިހި ޖެހެނީ މަދިރި ދަތްއެޅުމުގެ ސަބަބުން ފެތުރޭ ކޮމްޕްލެކްސް ޕެރަސައިޓެއްގެ ސަބަބުންނެވެ.