ރާއްޖެ އެތެރެކުރަން އުޅުނު 1.86 ކިލޯގެ މަސްތުވާތަކެތި މޯލްޑިވްސް ކަސްޓަމްސް ސާވިސްއިން އިއްޔެ އަތުލައިގެންފިއެވެ.
މިކަމާ ގުޅިގެން ކަސްޓަމުން ބުނީ، މިއީ މެފެޑްރޯމް ނަމަކަށް ކިޔާ ބާވަތެއްގެ މަސްތުވާ އެއްޗެއް ކަމަށެވެ. އަދި މީގެ ޖުމުލަ ބަރުދަނުގައި 1.86 ކިލޯ ހުރިކަމަށް ކަސްޓަމުން މައުލޫމާތު ދިނެވެ.
މިތަކެތި އަތުލައިގެންފައި ވަނީ ވެލާނާ އިންޓަނޭޝަނަލް އެއާޕޯޓުންނެވެ.
މިދިޔަ އަންގާރަ ދުވަހު ކަސްޓަމްސް އިން ވަނީ ރާއްޖެ އައި އިންޑިއާގެ ދެމަފިރިއެއްގެ އަތުން ދެ މިލިއަން ރުފިޔާގެ ހެރޮއިން ވެސް އަތުލައިގެންފައެވެ.
ކަސްޓަމްސްއިން ބުނީ އެތަކެތި އަތުލައިގެންފައިވަނީ މިދިޔަ އަންގާރަ ދުވަހު، މެލޭޝިއާއިން ރާއްޖެއައި އިންޑިއާގެ 41 އަހަރުގެ ފިރިހެނަކާއ،ި 38 އަހަރުގެ އަންހެނެއްގެ ލަގެޖުގައި މަސްތުވާތަކެތި ރައްކާކޮށްގެން ގެނެސްފައިވާ ކަމަށް ޝައްކުކުރެވި އެ ދެ ފަސިންޖަރުންގެ ލަގެޖް ބަލައިފާސްކުރުމުގެ ތެރޭގައި ކަމަށެވެ.
މީގެ އިތުރުން މިމަހުގެ ހަވަނަ ދުވަހު ވެސް ރާއްޖެއަށް އެތެރެކުރަން އުޅުނު ހަތް މިލިއަން ރުފިޔާގެ މަސްތުވާތަކެތި ކަސްޓަމްސް އިން ވަނީ އަތުލައިގެންފައެވެ.