ތޫނު ހަތިޔާރު ބޭނުންކޮށްގެން ބަޔަކު މާރާމާރީއެއް ހިންގަން އުޅުނު ކަމަށް ބުނާ މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ މާލޭ ލޮނުޒިޔާރަތް މަގުގައި ސައިކަލުތަކެއް ވައްޓާލާފައިހުރި ކަމަށް 19:53ހާއިރު ފުލުހުންނަށް ރިޕޯޓު ކޮށްފައިވާ ކަމަށެވެ.
މި ރިޕޯޓާ ގުޅިގެން ފުލުހުން އެ ސަރަހައްދަށް ދިޔުމުން، ތޫނު ހަތިޔާރު ހިފައިގެން މާރާމާރީ ހިންގަން ބަޔަކު އުޅުނު ކަމުގެ މައުލޫމާތު ވެސް ލިބުނު ކަމަށް ފުލުހުން ބުންޏެވެ.
އެހެން ނަމަވެސް ފުލުހުން ބުނީ އެ ސަރަހައްދަށް ދިޔައިރު، އެ ފަދަ އެއްވެސް ކަމެއްގެ ނިޝާނެއް ފެންނަން ނެތް ކަމަށެވެ.
ތޫނު ބަތިޔާރު ބޭނުންކޮސްގެން މަރާމާރީ ހިންގަން އުޅުންކަމަށް ބުނާ ވީޑިއޯއެއް ސޯޝަލް މީޑިއާގައި އަންނަނީ ދައުރުވަމުންނެވެ. މި ވީޑިއޯއިން ފެންނަ ގޮތުގައި ހެލްމެޓު އަޅައިގެން ތިބި މީހުންތަކެއް ދުވެފައި ގޮސް ސައިކަލަކަށް އަރައެވެ.
މި މައްސަލައާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.