ހ. އެއްގަމުގޭ, ޚަދީޖާ އިބްރާހީމް ދީދީ (އަންނަބީލާ ޚަދީޖާ އިބްރާހީމް ދީދީ) މިއަދު އަވަހާރަވެއްޖެއެވެ.
އަންނަބީލާ ޚަދީޖާ ދީދީއަކީ ކުރީގެ ބޮޑު ވަޒީރު އަލްއަމީރު އިބްރާހީމް ފާމުލަދޭރިކިލެގެފާނުގެ ދަރިކަނބަލުންނެވެ. ފާމުލަދޭރިކިލެގެފާނުގެ ތިއްބެވީ ހަތަރު އަންހެން ބޭފުޅުންނެވެ. އެގޮތުން އަންނަބީލާ ޚަދީޖާ ދީދީއަކީ އެންމެ ހަގު ދަރިކަނބަލުންނެވެ.
އެކަމަނާ އަވަހާރަވިއިރު އުމުރުފުޅުން 68 އަހަރެވެ.
އެކަމަނާގެ މައްޗަށް ކުރާ ކަށުނަމާދު އޮންނާނީ މިރޭ މަސްޖިދުއްތަޢާވުނި (އާސަހަރާ މިސްކިތް) ގައި މަޣްރިބު ނަމާދަށް ފަހުއެވެ.
ޚަދީޖާއަކީ ވަރަށް ހިދުމަތްތެރި ބޭކަނބަލެކެވެ. އެކަމަނާއަކީ އަމީނިއްޔާ ސްކޫލްގެ ބޭންޑުގައި އެންމެ ފުރަތަމަ މޭޒް ބޭނުންކުރަން ފެށި ދަރިވަރު ވެސްމެއެވެ.
އަންނަބީލާ ޚަދީޖާ ދީދީ މަތީ ތައުލީމުގެ މާސްޓާސް ޑިގްރީ ހާސިލުކުރެއްވީ އެމެރިކާގެ ނޯތު ކެރެލައިނާއިންނެވެ.
އަންނަބީލާ ޚަދީޖާ ދީދީގެ ތިން އަންހެން ބޭފުޅުން ތިއްބަވެއެވެ. އެއީ ޑރ. އަބްދުއްސައްތާރު ޔޫސުފަށް ލިބިވަޑައިގެންނެވި ބޭފުޅުންނެވެ.