ދަތުރު ނުކުރަން ނިންމުމަށްފަހު ގައުމީ އެއާލައިން މޯލްޑިވިއަނުން އަނެއްކާވެސް ށ. ފުނަދުއަށް ދަތުރުތައް ފަށައިފިއެވެ.
އެ ކުންފުނިން މިކަން ހާމަކޮށްފައި ވަނީ އެކްސްގައި ކޮށްފައިވާ ޕޯސްޓެއްގައެވެ. އެ ޕޯސްޓުގައި ވަނީ ފުނަދޫއަށް ކުރާ ދަތުރުތައް އަލުން ފަށާފައިވާކަމަށް ބުނެފައެވެ.
އަދި ޚިދުމަތް މެދުކެނޑުނު މުއްދަތުގައި ކަސްޓަމަރުންގެ ފަރާތުން ދެއްވި އެއްބާރުލުމާއި ކެތްތެރިކަމަށް އެ އެއާލައިނުން ވަނީ ޝުކުރު އަދާކޮށްފައެވެ.
އެ އެއާލައިނުން ވަނީ ފުނަދުއަށް ކުރައްވާ ދަތުރުތައް އަލުން ބުކްކުރުމަށް ނުވަތަ އިތުރު މަޢުލޫމާތު ހޯދުމަށް އެހީތެރިކަމެއް ބޭނުންފުޅުވާނަމަ، މޯލްޑިވިއަންގެ ޓީމް 1671 އަށް ގުޅުއްވުމަށް އެދިފައެވެ. ނުވަތަ އީމެއިލް މެދުވެރިކޮށް ގުޅުއްވުމަށް އެ އެއާލައިނުން ވަނީ އެދިފައެވެ.
އެއާޕޯޓުގައި ހުރި ޓެކްނިކަލް މައްސަލަތަކާއި ހުރެ ފުނަދޫއަށް ކުރަމުންދާ ދަތުރުތައް ހުއްޓާލަން ނިންމާފައި ވާކަމަށް މޯލްޑިވިއަނުން އިއުލާނު ކޮށްފައިވަނީ މިއަދުގެ ހެނދުނުގެ ވަގުތެއްގައެވެ.
އެ އެއާލައިނުން ވަނީ ކޫއްޑޫގެ ރަންވޭ ވަރަށް ބޮޑަށް ބާވެ، ހަލާކުވެފައި ވާތީ މޯލްޑިވިއްނުން ކޫއްޑުއަށް ކުރަމުން ގެންދާ ދަރުރުތައް ހުއްޓާލުމަށް ނިންމާފައިވާކަމަށް ވެސް ބުނެފައެވެ.