ބ. ދަރަވަންދޫ އިޝްތިހާރުކުރަން 'ވިޒިޓް ދަރަވަންދޫ 2025'ގެ ނަމުގައި ހަރަކާތެއް ފަށަން އެ ރަށު ކައުންސިލުން މިއަދު ނިންމައިފިއެވެ.
'ސަން'އަށް މައުލޫމާތު ދެއްވަމުން ދަރަވަންދޫ ކައުންސިލްގެ ރައީސް އަލީ ސަމީޙް ވިދާޅުވީ، މި ހަރަކާތަކީ އެ ރަށް އިތުރަށް އިޝްތިހާރުކުރުމަށާއި ފަތުރުވެރިން ޒިޔާރަތްކުރާ ނިސްބަތް އިތުރުކުރުމުގެ މަގުސަދުގައި ފަށައި ހަރަކާތެއް ކަމަށެވެ.
އެ ރަށުގެ ތަރައްގީގެ ޕްލޭންގައި ހިމެނޭ 'ވިޒިޓް ދަރަވަންދޫ' ކުރިއަށް ދާނީ އަންނަ އަހަރުގެ ކޮންމެ މަހަކަށް ހަރަކާތެއް ބަހާލައިގެން ކަމަށް އޭނާ ވިދާޅުވިއެވެ.
މި ހަރަކާތް އިފުތިތާހުކުރަން މި މަހު 24ގައި ދަރަވަންދޫގައި ޚާއްސަ ޖަލްސާއެއް ބާއްވާނެއެވެ.
ކައުންސިލްގެ ރައީސް ވިދާޅުވި ގޮތުގައި، އެ ޖަލްސާގެ ތެރެއިން ވިޒިޓް ދަރަވަންދޫ 2025ގައި ކުރާނެ ހަރަކާތްތަކުގެ ތަފުސީލުތައް ހިއްސާކުރާނެއެވެ.
ދަރަވަންދޫގައި ހުންނަ ކިހާ ބީޗް ގެސްޓްހައުސް: ދަރަވަންދޫ އިޝްތިހާރުކުރަން "ވިޒިޓް ދަރަވަންދޫ 2025" ހަރަކާތް ފަށަން ވަނީ ނިންމާފައި --- ޓްރިޕް އެޑްވައިޒާ
އެ ރަސްމިއްޔާތުގައި ވިޒިޓް އިޔާގައި ކޮން ކަހަލަ ކަންތައްތަކެއްތޯ ކުރާނީއާއި އޭގެ ލަވައާއި ޕްރޮމޯޝަނަލް ލޯގޯއާއި މި އެއްޗެހިތައް އިފުތިތާހުކުރާނެ، ކައުންސިލް ރައީސް
މީގެ އިތުރުން، އަންނަ އަހަރު އެއްކޮށް ރަށް ޕްރޮމޯޓުކުރުމާއި ފަތުރުވެރިން އިތުރުކުރުމުގެ މަސައްކަތްކުރާނެ ކަމަށާއި އަމާޒަކީ 2030 ވަނަ އަހަރާ ހަމައަށް ޑެސްޓިނޭޝަނެއްގެ ގޮތުގައި ރަށް އިޝްތިހާރުކުރުންކަން ސަމީޙް ވަނީ ފާހަގަކުރައްވާފައެވެ.
މި ހަރަކާތުގައި ބައިވެރިއެއްގެ ގޮތުން ސަން ސިޔާމް މީޑިއާއާ އެކުގައި މަސައްކަތްކުރަން ލިބުމަކީ ވަރަށް ބޮޑު ހިތްވަރެއް ކަމަށް އޭނާ ވިދާޅުވިއެވެ.
އެއީ، އަޅުގަނޑުމެންގެ ކަންތައްތައް ޕްރޮމޯޓުކުރަން މީޑިއާއެއްގައި ފުރުސަތު ދިނުމަކީ ހަގީގަތުގައި މި ހަރަކާތް އިތުރު ހަރުފަތަކަށް ގެންދަން ލިބުނު ފުރަސަތެއް،ދަރަވަންދޫ ކައުންސިލްގެ ރައީސް އަލީ ސަމީޙް
ދަރަވަންދޫގައި މިހާރު ވެސް 14 ގެސްޓްހައުސް ހުރެއެވެ.
މީގެ އިތުރުން ވެސް ގިނަ ގެސްޓްހައުސްތަކެއް މިހާރު ވެސް ހުޅުވަން ތައްޔާރުވެފައިވާކަން ފާހަގަކުރައްވައި ކައުންސިލްގެ ރައީސް ވިދާޅުވީ، މިހާރު ވެސް ފަތުރުވެރިންގެ މެދުގައި އެ ރަށަށް ޑިމާންޑް އެބައޮތް ކަމަށެވެ.