އިންޑިއާގެ އިރުމަތީގައި ހިންދޫ ދީނީ ޢީދެއް ފާހަގަކުރަމުން ދަނިކޮށް ގާތްގަޑަކަށް 46 މީހުން ގެނބިގެން މަރުވެއްޖެއެވެ.
އޭގެ ތެރޭގައި 37 ކުޑަކުދިންނާއި ހަތް އަންހެނުން ހިމެނޭ ކަމަށް ކަމާބެހޭ އޮފިޝަލުން ވިދާޅުވެއެވެ.
އެ ގައުމުގެ ޑިޒާސްޓާ މެނޭޖްމަންޓްގެ އޮފިޝަލަކު ވިދާޅުވީ، މަރުވެފައިވަނީ ކޯރުތަކަށް އެރިގެން އުޅުނު ބައެއް ކަމަށެވެ. ދީނީ ހަފުލާ ބާއްވާފައިވާއިރު، އިންޑިއާގެ ބައެއް ސަރަހައްދުތަކަށް މިހާރު އަންނަނީ ބޯކޮށް ވާރޭ ވެހެމުންނެވެ. ވާރޭގެ ސަބަބުން އެ ހިސާބުތަކުގައި ވަރަށް ބޮޑަށް ވަނީ ފެންބޮޑުވެފައެވެ.
އޮފިޝަލުން ބުނީ ހަފުލާ ފާހަގަ ކުރުމަށް ކޯރުތަކަށް އެރުނު ގިނަ މީހުންނަށް ފެންބޮޑުވެ، ކޯރުތައް ފުރޭކަން އެނގުނު ނަމަވެސް އެ ކަމަށް ސަމާލުކަން ދީފައިނުވާ ކަމަށެވެ.
އެ ހާދިސާގައި މަރުވި މީހުންގެ އަދަދު އަދިވެސް އިތުރުވާނެ ކަމަށް ބެލެވޭ ކަމަށް އޮފިޝަލުން ވިދާޅުވެއެވެ.
އިންޑިއާގައި ބާއްވާ ބޮޑެތި އެއްވުންތަކާއި ހަފުލާތަކުގައި މީގެ ކުރިން ވެސް ވަނީ ގިނަ ބަޔަކު މަރުވެފައެވެ.
މި އަހަރުގެ ޖުލައި މަހު އުއްތަރު ޕްރަދޭޝް ސްޓޭޓުގައި ބޭއްވި ދީނީ ހަފުލާއެއްގައި ފިތިގެން 121 މީހުން މަރުވެފައިވެއެވެ. އޭގެ ކުރިން 2018 ވަނަ އަހަރު ބޭއްވި އެހެން ހަފުލާއެއްގައި ވެސް ފިތިގެން 60 މީހުން މަރުވެފައިވެއެވެ.