ރައީސުލްޖުމްހޫރިއްޔާ ޑރ. މުޙައްމަދު މުއިއްޒަށް، އެ މަނިކުފާނު އަވަހާރަކޮށްލާނެކަމުގެ އިންޒާރު ދިން މައްސަލަ ހަރުކަށި އިބާރާތުން، މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ)އިން މިއަދު ކުށްވެރިކޮށްފިއެވެ.
އެމްޑީއޭއިން ނެރުނު ބަޔާނުގައިވަނީ ރައީސްގެ ފުރާނަފުޅަށް ނުރައްކާވާ ފަދަ އިންޒާރެއް ސޯޝަލް މީޑިއާގައި ދިން މައްސަލަ އެ ޕާޓީން ހަރުކަށި އިބާރާތުން ކުށްވެރިކުރާ ކަމަށެވެ.
އެއީ ސީރިއަސް މައްސަލައެއްގެ ގޮތުގައި ދެކި، އެ މައްސަލައިގެ ހަގީގަތް ދެނެގަތުމަށް ފުރިހަމަ ތަހުގީގެއް ހިންގަން ވެސް އެ ޕާޓީންވަނީ އިދާރާތަކަށް ގޮވައިލައިފައެވެ.
"ރައީސުލްޖުމްހޫރިއްޔާގެ ސަލާމަތާއި ރައްކާތެރިކަން ކަށަވަރުކުރުމަށް ޓަކައި އެކަށީގެންވާ ހަރުދަނާ ފިޔަވަޅުތަކެއް އެޅުމަށް ކަމާބެހޭ އެންމެހައި ފަރާތްތަކަށް އާދޭހާއެކު އިލްތިމާސްކުރަމެވެ،" އެމްޑީއޭގެ ބަޔާނުގައިވެއެވެ.
އެއާއެކު އެ ޕާޓީން ވަނީ ޓެރަރިޒަމްގެ އެ ފަދަ އަމަލުތައް ހިންގާ ފަރާތްތަކާމެދު ގާނޫނުގައިވާ އެންމެ ހަރުކަށި ދިނުން މުހިންމުކަމަށް ފާހަގަކޮށްފައެވެ.
ރައީސް މުއިއްޒު އަވަހާރަކޮށްލާނެކަމަށް ބުނެ މީހަކު ކޮމެންޓު ކުރީ ވަނީ އދ.ގެ ގައުމީ އާންމު މަޖިލީހުގެ ހަވާސާގައި ކުރިއަށްދިޔަ އިވެންޓެއްގައި ތަގުރީރު ކުރައްވަނިކޮށް ފޭސްބުކް ލައިވެއްގައެވެ.
މިކަމާ ގުޅުވައި އެސިސްޓެންޓް ކޮމިޝަނާ އޮފް ޕޮލިސް އަހުމަދު ޝިފާން ވިދާޅުވީ، ރައީސަށް ބޮޑެތި އިންޒާރުތަކެއް ދިން މައްސަލައެއް ތަހުގީގުކުރަން ފަށާފައިވާ ކަމަށެވެ.