ދިވެހި ސަރުކާރާއި އޮސްޓްރޭލިއާ ސަރުކާރާ ދެމެދު ބާއްވާ ފުރަތަމަ ސީނިއާ އޮފިޝަލްސް ޓޯކްސް މިއަދު މާލޭގައި ބާއްވައިފިއެވެ.
ފޮރިން މިނިސްޓްރީން ބުނީ، މި ބައްދަލުވުމަކީ ދެގައުމުގެ ދެމެދުގައި އޮތް ގާތްގުޅުން މިހާރަށްވުރެ އިތުރަށް ހަރުދަނާކޮށް ބަދަހިކުރުމަށް އެޅުނު މުހިންމު ފިޔަވަޅެއް ކަމަށާއި ތަފާތު ދައިރާތަކަށް ދެ ގައުމުގެ މެދުގައި މަޝްވަރާކޮށްފައިވާ ކަމަށެވެ.
އޮސްޓްރޭލިއާ ސަރުކާރުގެ އިސް ބޭފުޅުންނާ އެކު މިއަދު ފޮރިން މިނިސްޓްރީގައި ބޭއްވި ރަސްމީ މަޝްވަރާގެ ތެރެއިން ފޮޓޯ/ ފޮރިން މިނިސްޓްރީ
އެގޮތުން، މަޝްވަރާ ކުރެވުނު ދާއިރާތަކުގެ ތެރޭގައި، ވެރިކަން ހިންގުމާއި ޑިމޮކްރަސީއާއި ވިޔަފާރީގެ ދާއިރާއާއި ފަތުރުވެރިކަމާއި މޫސުމަށް އަންނަ ބަދަލުތަކާއި ދިފާޢީ ދާއިރާއާއި ސަލާމަތުގެ އިތުރުން ތަރައްގީގެ ދާއިރާ ހިމެނެއެވެ.
ބައްދަލުވުމުގައި ރާއްޖޭގެ ފަރާތުން ބައިވެރިވި ވުޒާރާތައް:
- ފޮރިން މިނިސްޓްރީ
- ޑިފެންސް މިނިސްޓްރީ
- އެމްއެންޑީއެފް ކޯސްޓްގާޑް
- ހޯމް މިނިސްޓްރީ
- ޕޮލިސް ސާވިސް
- މޯލްޑިވްސް ކަސްޓަމްސް ސާވިސަސް
- އިކޮނޮމިކް މިނިސްޓްރީ
- ޓޫރިޒަމް މިނިސްޓްރީ
- ހަޔާ އެޑިއުކޭޝަން މިނިސްޓްރީ
- އެޓާނީ ޖެނެރަލް އޮފީސް
- އެންވަޔަމެންޓް މިނިސްޓްރީ
އޮސްޓްރޭލިއާ ސަރުކާރުގެ އިސް ބޭފުޅުންނާ އެކު މިއަދު ފޮރިން މިނިސްޓްރީގައި ބޭއްވި ރަސްމީ މަޝްވަރާގެ ތެރެއިން ފޮޓޯ/ ފޮރިން މިނިސްޓްރީ
މީގެއިތުރުން، ބައްދަލުވުމުގައި ރާއްޖޭގެ ވަފުދުގެ އިސްވެރިއަކަށް ހުންނެވީ ފޮރިން ސެކްރެޓަރީ ފާޠިމަތު ޢިނާޔާއެވެ. އަދި، އޮސްޓްރޭލިއާ ވަފުދުގެ އިސްވެރިއަކަށް ހުންނެވީ އޮސްޓްރޭލިއާގެ ޑިޕާޓްމަންޓް އޮފް ފޮރިން އެފެއާޒް އެންޑް ޓްރޭޑްގެ ފަސްޓް އެސިސްޓެންޓް ސެކްރެޓަރީ މިސް ސާރާ ސްޓޯރީ އެވެ.