ސެންޓަރެއްގައި ރަޖިސްޓްރީކޮށްގެން ނޫނީ، ޓެކްސީތަކަށް ލައިސަންސް ނުލިބޭ ގޮތަށް ގަވާއިދު ބަދަލުކޮށްފިއެވެ.
މިދިޔަ އަންގާރަ ދުވަހު ޓްރާންސްޕޯޓް މިނިސްޓްރީން ގެޒެޓުކުރި ޓެކްސީ ގަވައިދުގެ އިސްލާހުގައިވާ ގޮތުން، މީގެ ފަހުން ޓެކްސީތަކަށް ލައިސަންސް ދޫކުރަނީ ސެންޓަރެއްގައި ރަޖިސްޓްރީކޮށްފައިވާނަމަ އެކަންޏެވެ.
ލައިސަންސް ދޫކުރަން ހުށަޙަޅާ އުޅަނދަކީ ސެންޓަރުގައި ރަޖިސްޓްރީކޮށްފައިވާ އުޅަނދެއްކަން އަންގައިދޭ ލިޔުން ހުށަހަޅަން ޖެހޭކަމަށް އެ އިސްލާހުގައި ބުނެފައިވެއެވެ.
ޓެކްސީތަކެއް:ސެންޓަރެއްގައި ރަޖިސްޓްރީކޮށްގެން ނޫނީ، ލައިސަންސް ނުލިބޭ ގޮތަށް ގަވާއިދު ބަދަލުކޮށްފި --- ސަން ފޮޓޯ/ ފަޔާޒު މޫސާ
އަންގާރަ ދުވަހު ގެޒެޓުކުރި އިސްލާހަށް އަމަލު ކުރަން ފެށުމުން ކުރިން ޓެކްސީ ގަވައިދަށް ގެނައި އިސްލާހު އުވޭނެއެވެ.
ޓެކްސީ ގަވާއިދަށް އެންމެ ފަހުން އިސްލާހެއް ގެނެސްފައި ވަނީ 2022ވަނަ އަހަރެވެ. އެ އިސްލާހުގައިވާ ގޮތުން ސެންޓަރެއްގައި ރަޖިސްޓްރީނުކޮށް ވެސް ޓެކްސީ ތަކަށް ޚިދުމަތް ދެވޭނެއެވެ.
މާލެ ސަރަހައްދުގައި ގިނަ އަދަދެއްގެ ޓެކްސީތައް ޚިދުމަތް ދޭއިރު، އެ ޚިދުމަތަށް ނުއަގުގައި ފައިސާ ނަގާތީ އެކަމުގެ ޝަކުވާ ބޮޑުވިއެވެ. އެހެންވެ، ޓެކްސީގެ އަގުތަކަށް ބަދަލު ގެނެސް މިފަހުން ވަނީ ޓެކްސީ ގަވާއިދު އިސްލާހު ކޮށްފައެވެ.