އިންސްޓަންޓް ޕޭމަންޓް ސިސްޓަމް "ފަވަަރަ"އިން ޚިދުމަތް ފެށިތާ އަހަރެއް ތެރޭ 15 ބިލިއަން ރުފިޔާ ޓްރާސްފާކޮށްފިއެވެ.
"ފަވަރަ"އަކީ ފަސޭހަ، އަވަސް އަދި ރައްކާތެރި ޕޭމަންޓް ޙިދުމަތްތައް ފޯރުކޮށްދެވޭނެ މަގުފަހިކޮށްދިނުމުގެ ގޮތުން މަރުކަޒީ ބޭންކް (އެމްއެމްއޭ)އިން ޤާއިމުކޮށްފައިވާ އިންސްޓެންޓް ޕޭމަންޓް ސިސްޓަމެކެވެ.
ފަވަރައިގެ ޚިދުމަތް ފެށިތާ އަހަރެއްވުމާ ގުޅިގެން ފަވަރައިން ކޮށްފައިވާ ޓްރާންސްފާ ތަކުގެ ތަފާސްހިސާބުތައް ހިއްސާކޮށްފައެވެ.
އެގޮތުން، މިދިޔަ އަހަރެއް ތެރޭ ފަސް މިލިއަން ރުފިޔާގެ ޓްރާންސެކްޝަން ފަވަރައިން ހިންގާއިފައިވާއިރު، 16 މިލިއަން ރުފިޔާގެ 7،000 ޓްރާސެކްޝަން ހިންގުމަށް ފަވަރައަށް އެދިފައިވާ ކަމަށް އެ ހިސާބުތަކުން ދައްކައެވެ.
ސިސްޓަމްގެ ބައިވެރިން މެދުވެރިކޮށް ކޮންމެ ބޭންކެއް ނުވަތަ ޕޭމަންޓް ޙިދުމަތްދޭ ކޮންމެ ފަރާތެއްގައި އެކައުންޓް ނުވަތަ ވޮލެޓެއް އޮތްކަމުގައި ވިއަސް، ރާއްޖޭގެ ކޮންމެ ރަށެއްގައި ހުރެގެން ވެސް ވަގުތުން ވަގުތަށް ފައިސާގެ މުޢާމަލާތްތައް ހިންގޭނެއެވެ.
ފަވަރައިގައި ބައިވެރިވާ ބޭންކުތައް:
- ބޭންކް އޮފް މޯލްޑިވްސް (ބީއެމްއެލް)
- މޯލްޑިވްސް އިސްލާމިކް ބޭންކް (އެމްއައިބީ)
- ސްޓޭޓް ބޭންކް އޮފް އިންޑިއާ (އެސްބީއައި)
- މޮރިޝަސް ކޮމާޝަލް ބޭންކް (އެމްސީބީ)
- ބޭންކް އޮފް ސިލޯން (ބީއޯސީ)
މީގެއިތުރުން، މިދިޔަ މާޗު 17ގައި ވަނީ ފަވަރައިން ޓްރާންސްފާ ކުރެވޭ ލިމިޓު 200،000އަށް ބޮޑުކޮށް، ރިކުއެސްޓު ކުރެވޭ އަދަދު 10،000 ރުފިޔާއަށް އިތުރުކޮށްފައެވެ.
ނަމަވެސް، މީގެކުރިން ފަވަރަ މެދުވެރިކޮށް އެންމެ ބޮޑުކޮށް ޓްރާންސްފާކުރެވެނީ 50،000 ރުފިޔާ ކަމަށްވާއިރު، ރިކުއެސްޓް ފޮނުވޭނެ އެންމެ މަތީ އަދަދަކީ 5،000 ރުފިޔާއެވެ.