ޗައިނާއަށް ޖާސޫސްކޮށްދިން ޓައިވާނު ފުލުހުންގެ އަށް މީހަކު ޖަލަށް ލުމަށް ޓައިވާނުގެ ކޯޓަކުން އަމުރުކޮށްފިއެވެ.
ސިފައިންނަށް ޖާސޫސީ ނެޓްވޯކަކާ ގުޅުމަށް 700،000 ޓައިވާން ޑޮލަރު (21،900 ޑޮލަރު) ރިޝްވަތުގެ ގޮތުގައި ދީފައިވާ ކަމަށް ކޯޓުން ވަނީ ބުނެފައެވެ. އެ މީހުންނަށް އެގޮތަށް ހުށަހަޅައިފައި ވަނީ ރިޓާޔާކޮށްފައިވާ ސިފައިންގެ ބައެކެވެ.
އެ މައްސަލައިގައި ސިފައިންނަށް ޖާސޫސްކުރުމަށް ހުށަހެޅި މީހުންގެ ތެރޭގައި ހިމެނޭ އިސް މީހާއަށް ވަނީ 13 އަހަރުގެ ޖަލު ހުކުމެއް އިއްވައިފައެވެ.
އަމިއްލަ ވެރިކަމެއް ގާއިމުކޮށްފައިވާ ޓައިވާނަކީ ޗައިނާގެ ބައެއް ކަމަށް ޗައިނާއިން ދައުވާކުރެއެވެ. އެހެންވެ، ޓައިވާނު ހޯދުމަށް ބާރުގެ ބޭނުންކުރަން ޖެހިއްޖެނަމަ އެ ކަމަށް ވެސް ޗައިނާ ތައްޔާރެވެ.
ނަވާރަ ސަތޭކާ ސާޅީސް ނުވަ ވަނަ އަހަރު ޗައިނާގެ ދާޚިލީ ހަނގުރާމަ ނިމުނު ފަހުން ދެ ގައުމުން ވެސް އަންނަނީ އެއް ގައުމު އަނެއް ގައުމަށް ޖާސޫސްކުރަމުންނެވެ.
ޓައިވާނުގެ ދިފާއީ ބާރުގެ ސިއްރު ލިޔުންތައް ފޮޓޯ ނަގައި ޗައިނާއަށް ލީކުކޮށްލި ކަމުގެ ތުހުމަތުގައި ނޭވީ ޓްރެއިނިން ސެންޓަރެއްގައި މަސައްކަތްކުރި، ސާޖެންޓެއްގެ މައްޗަށް ވެސް މިދިޔަ ވަނީ ދައުވާ އުފުލައިފައެވެ.
ޗައިނާގެ ފައިޓާ ޖެޓްތައް ޓައިވާނުގެ ވަށައިގެން ދަތުރުކުރާ މިންވަރު އިތުރުވަމުންދާތީ ވެސް އެ ގައުމުން ވަނީ ކަންބޮޑުވުން ފާޅުކޮށްފައެވެ.