ސިވިލް ކޯޓުގެ ގާޒީ ފަރުހާދު ރަޝީދު، ޖުޑީޝަލް ސާވިސް ކޮމިޝަން (ޖޭއެސްސީ)އަށް މިއަދު އިންތިޚާބުކޮށްފިއެވެ.
އޭނާ ޖޭއެސްސީގެ މެންބަރުކަމަށް އިންތިޚާބުކޮށްފައިވަނީ 91 ފަނޑިޔާރުންގެ ތާއީދާ އެކު، ދަށު ކޯޓުތަކުގެ ތެރެއިން އެ ކޮމިޝަނަށް އިންތިޚާބުކުރާ ފަނޑިޔާރުގެ ގޮތުގައެވެ.
ދަށު ކޯޓުތަކުގެ ފަނޑިޔާރުންގެ ތެރެއިން ޖޭއެސްސީއަށް މެންބަރަކު އިންތިޚާބު ކުރުމަށް މިއަދު ކުރިޔަށް ގެންދިޔަ އިންތިޚާބުގައި 166 ފަނޑިޔާރުންނަށް ވޯޓު ދިނުމުގެ ހައްގު ލިބިގެން ދިޔައެވެ. މިއަދު ހެނދުނު 10އިން މެންދުރު 12އަށް ކުރިޔަށް ގެންދިޔަ މި އިންތިޚާބުގައި، ތިން ފަނޑިޔާރަކު ފިޔަވައި، އެހެން ހުރިހާ ފަނޑިޔާރުން ވޯޓު ދެއްވިއެވެ.
މި އިންތިޚާބުގައި ވާދަ ކުރެއްވި ގާޒީންނަކީ:
- ސިވިލް ކޯޓުގެ ގާޒީ ފަރުހާދު ރަޝީދު - 91 ވޯޓު
- ކްރިމިނަލް ކޯޓުގެ ގާޒީ އިބްރާހީމް އިހްސާން - 71 ވޯޓު
- ފެމިލީ ކޯޓުގެ ގާޒީ އަބްދުﷲ މުޙައްމަދު - 1 ވޯޓު
- އައްޑޫ ހިތަދޫ މެޖިސްޓްރޭޓް ކޯޓުގެ މެޖިސްޓްރޭޓް ރަފީއުއްދީން އަޙްމަދު - 0 ވޯޓު
- ސިވިލް ކޯޓުގެ ގާޒީ އާއިޝަތު އަޒުފާ އަބްދުލްޣަފޫރު - 0 ވޯޓު