ނިއުރޯ އަދި ސްޕައިން ސާޖަރީގެ ދާއިރާއިން ތަޢުލީމު ހާސިލުކޮށް، އިންޑިއާގެ އެޕޮލޯ ކެންސަރު ސެންޓަރުގައި މަސައްކަތްކުރައްވާ ޑޮކްޓަރު ޑރ. ޕްރަދީޕް ބީ މާލޭގެ އެލީޓް މެޑިކަލް ސެންޓަރުގައި ބަލިމީހުން ބެލުމަށް ހަމަޖެހިފައި ވާކަމަށް އެ ސެންޓަރުން ބުނެފިއެވެ.
މިކަމާ ގުޅިގެން އެ ސެންޓަރުން ފޭސްބުކްގައި ކޮށްފައިވާ ޕޯސްޓެއްގައި ވަނީ ނިއުރޯ އަދި ސްޕައިން ސާޖަރީގެ ޚާއްސަ ޑޮކްޓަރު ޑރ. ޕްރަދީޕް ބީ މިމަހުގެ 12 ވަނަ ދުވަހު އެ ސެންޓަރުގައި ބަލި މީހުން ބައްލަވާނެ ކަމަށެވެ.
ޑޮކްޓަރު ދެއްވާ ފަރުވާތަކުގެ ތެރޭގައި:
* ސިކުނޑި އަދި ސްޕައިން ކެންސަރު
* ކުޑަކުދިންގެ ނިއުރޯ ސާޖަރީ
* ބުރަކަށީގެ ރިހުން / ޑިސްކް މައްސަލަތައް
* ނުހުއްޓޭ ބޮލުގައި ރިހުން / ޓްރައިޖެމިނަލް ނިއުރަލްޖިއާ
* ނިއުރޯ-ރީހެބިލިޓޭޝަން
* ސްޓްރޯކް
* ސިކުނޑީގެ ބައިޕާސް ސާޖަރީ
* އެންޑޮސްކޮޕިކް ނިއުރޯ އަދި ސްޕައިން ސާޖަރީ
* ކާޕަލް ޓަނަލް ސިންޑްރޯމް
* ޗިއާރީ މާލްފޯމޭޝަންސް
* އަވާކެ ބްރެއިން ސާޖަރީ
* ނޭފަތުން ވައްދައިގެން ކުރާ އެންޑޮސްކޮޕިކް ސިކުނޑީގެ ސާޖަރީ
* ފެއިލްޑް ބެކް ސިންޑްރޯމް
އެލީޓް މެޑިކަލް ސެންޓަރުން ވަނީ ޑރ. ޕްރަދީޕަށް އެޕޮއިންޓްމެންޓް ހެއްދުމަށް އެ ސެންޓަރުގެ ނަމްބަރު 3340741 ނުވަތަ 3333505 އަށް ގުޅުމަށް އެދިފައެވެ. އަދި ވައިބާ މެދުވެރިކޮށް 7615718 އިން ނުވަތަ އީމެއިލް [email protected] މެދުވެރިކޮށް ވެސް އެޕޮއިންޓްމެންޓް ހެއްދޭނެ ކަމަށް ބުނެފައިވެއެވެ.