ފިލްމީ ތަރިން ކަމަށްވާ ޝްރައްދާ ކަޕޫރު އަދި ރާޖް ކުމާރު ރާއޯ މުހިއްމު ރޯލް ކުޅުނު ފިލްމު "އިސްތިރީ"ގެ ސީކުއަލްގެ ޓްރެއިލާ ދައްކާލައިފިއެވެ.
ކުރިއަށް އޮތް އޮގަސްޓް މަހުގެ 15ވަނަ ދުވަހު ފިލްމު ސިނަމާތަކަށް ގެންނަން ނިންމާފައިވާއިރު ސީކުއަލް ގެނެސްދޭނީ 2018ވަނަ އަހަރު ގެނެސްދިން ފިލްމު ނިންމާލި ހިސާބުންނެވެ.
ރާޖް ކުމާރު ރާއޯ، ޝްރައްދާ ކަޕޫރު، ޕަންކަޖް ތުރިޕާތީގެ އިތުރުން އަބީޝެކް ބެނަޖީ މުހިއްމު ރޯލްއިން ފެންނާނެ "އިސްތިރީ2" އެއީ ވަރަށް އެޑްވެންޗެރަސް ފިލްމެއް ކަމަށާއި މިފަހަރުގެ ފިލްމުގެ އެންމެ ޝައުގުވެރި ރޯލެއް ފެންނާނީ ޝްރައްދާ ކުޅޭ ކެރެކްޓާގެ ރޯލްއިންނެވެ.
ފިލްމު "އިސްތިރީ"ގެ ޕޯސްޓަރެއްގައި ފިލްމުގެ މުހިއްމު ތަރިން--ފޮޓޯ/ކޮއިމޮއި
ހޮރޯ ކޮމެޑީ ގިނަ ފިލްމުތަކެއް އުފައްދާ އާއްމުންގެ މަގުބޫލުކަން ހޯދަމުން އަންނަ މެޑްޑޮކް ފިލްމްސް އާއި ޖިއީ ސްޓޫޑިއޯ ގުޅިގެން ގެނެސްދinq "ސްތްރީ"ގެ ފުރަތަމަ ބަޔަށް ފަހު ގެނެސްދިން ފިލްމުތަކުގެ ތެރޭގައި 2021ވަނަ އަހަރު ރިލީޒްކުރި ފިލްމު "ރޫހީ"، 2022ވަނަ އަހަރު ގެނެސްދިން ފިލްމު "ބޭޅިޔާ" އަދި ދާދިފަހުން ރިލީޒްކުރި ފިލްމު "މުންޖިޔާ" ހިމެނެއެވެ.
ފިލްމު "އިސްތިރީ2"ގެ ވަރަށް ޚާއްސަ ފެނިލުމަކުން "ބޭޅިޔާ"ގެ ތަރި ވަރުން ދަވަން ފެންނާނެކަން ޖިއޯ ސްޓޫޑިއޯއިން ވަނީ ކަށަވަރުކޮށްދީފައެވެ. މި ދެތަރިންގެ އިތުރުން އަކްޝޭ ކުމާރު އަދި ބަތަލާ ތަމަންނާ ބާޓިއާ ވެސް ފިލްމުގެ ޚާއްސަ ފެނިލުމަކުން ބެލުންތެރިންނަށް ފެންނާނެ ކަމަށް ރިޕޯޓުތައް ބުނެއެވެ.
މި ފިލްމުގެ ޑައިރެކްޓަރަކީ 2018ވަނަ އަހަރު ގެނެސްދިން ފުރަތަމަ ބައިގެ ވެސް ޑައިރެކްޓަރު އަމަރު ކޯޝިކްއެވެ.