އުމުރުން ދުވަސްވުމާ ދެކޮޅަށް ޗައިނާގެ ސައިންސްވެރިން ކުރި ދިރާސާއެއްގައި ޒުވާން މީދަލެއްގެ ލޭ ބޭނުންކޮށްގެން މީދަލެއްގެ އުމުރު ވަރަށް ބޮޑަށް އިތުރުކުރެވޭނެ ގޮތެއް ހޯދައިފިއެވެ.
ސައުތު ޗައިނާ މޯނިން ޕޯސްޓުން ރިޕޯޓްކޮށްފައިވާ ގޮތުގައި ޗައިނާގެ ނަންޖިން ޔުނިވާސިޓީގެ ސައިންސްވެރިން އިސްނަގައިގެން ކުރިއަށް ގެންދިޔަ މި ދިރާސާއިން ދައްކާ ގޮތުގައި ޒުވާން ލޭގައި ހިމެނޭ ވަކި އެންޓި އޭޖިން ކޮމްޕޯނެންޓެއް އެކަހެރިކޮށް އިންޖެކްޓް ކުރުމުން އުމުރުން ދުވަސްވީ ފިރިހެނުންގެ އުމުރު 120-130 އަހަރާ އެއްވަރުގެ އިންސާނަކަށް ދިގުކޮށްދެއެވެ.
ނޭޗާ އޭޖިން ޖާނަލްގައި ޝާއިއުކޮށްފައިވާ މި ދިރާސާއިން ދައްކާ ގޮތުގައި އާންމުކޮށް 840 ދުވަސް ވަންދެން ދިރިއުޅެމުން އަންނަ 20 މަހުގެ މީދަލެއްގެ އުމުރު 22.7 އިންސައްތަ އިތުރުވަނީ މި ޒުވާން ލޭގެ ކޮމްޕޯނެންޓްގެ އިންޖެކްޝަން ޖެހުމުންނެވެ.
މި ދިރާސާގައި އެންމެ ގިނަ ދުވަހު ދިރިއުޅުނު މީދާ ވަނީ ހައިރާންކުރުވަނިވި މުއްދަތަކަށް 1،266 ދުވަހަށް އުމުރު ދިގު ދެމިގެން ގޮސްފައެވެ.
ދިރާސާގެ ކޯ ލީޑަރު ޒަންގް ޗެންޔޫ ވިދާޅުވި ގޮތުގައި މި އިންޖެކްޝަންތަކުގެ ސަބަބުން އުމުރު ދިގުވުމުގެ އިތުރުން ސިކުނޑި، މަސް، ހިތާއި ކަށިއަދި ދަރިމައިވުމުގެ ނިޒާމު ފަދަ ގުނަވަންތައް އުމުރާ ގުޅިގެން ދަށްވާ ދަށްވުން ވެސް ކުޑަވެގެންދެއެވެ.
އެ ދިރާސާގައި ބުނެފައިވާ ގޮތުން ރިވައިޓަލައިޒިން އިފެކްޓްސް ފެނިފައި ވަނީ ޒުވާން ލޭގައި ހުންނަ ކުދި އެކްސްޓްރާ ސެލޫލާ ވެސިކަލްސް (އެސްއީވީ) އިންނެވެ.
"މިއީ ޒުވާން ލޭގެ އެންމެ ކޮމްޕޯނެންޓަކުން އުމުރު ދިގުކޮށް، އުމުރާ ގުޅުން ހުރި ދަށްވުންތައް ލަސްކޮށްދޭ ފުރަތަމަ ދިރާސާ،" ޒަންގް ވިދާޅުވިއެވެ.
މި ކާމިޔާބީ ބިނާވެފައި ވަނީ މީގެ ކުރިން ކުރެވިފައިވާ ޖަނަވާރުންގެ ދިރާސާތަކުން، ޒުވާން ލޭގެ ސަބަބުން މުސްކުޅިވުން ހުއްޓުވުމަށް ކުރާ ނޭދެވޭ އަސަރުތަކުގެ މައްޗަށް ބިނާކޮށެވެ.
އެމްބްރޯސިއާ ފަދަ ހިޔާލު ތަފާތުވެފައިވާ ކުންފުނިތަކުން މީގެ ކުރިން ވަނީ އެފްޑީއޭގެ ހުއްދައާއި ނުލައި ޒުވާން ޑޯނަރުންގެ ޕްލާޒްމާ ޓްރާންސްފިއުޝަން މާކެޓްކުރުމާއި ގުޅިގެން އެ ކުންފުނިތައް ބަންދުކޮށްފައެވެ.
މި ފަހުގެ ދިރާސާ އުންމީދީ ނަމަވެސް ނަންޖިން ސައިންސްވެރިން އިންޒާރު ދެނީ މި ހޯދުންތައް ކްލިނިކަލް ޓެސްޓިން ނުވަތަ ޓްރީޓްމަންޓް ޑިވެލޮޕްމަންޓަށް ދިއުމުގެ ކުރިން ވެސް ސައިންޓިފިކް ގިނަ ސުވާލުތަކެއް އެބަހުރި ކަމަށެވެ.
"މިއީ ފެށުން، މައިގަނޑު މެކޭނިޒަމްތައް ދެނެގަތުމުގައި އިތުރު ވަގުތު ހޭދަކުރަން ޖެހޭ، އެކަމަކު މި ދިރާސާގެ ސަބަބުން އުމުރާ ގުޅުން ހުރި ޑިޖެނެރޭޝަން މަޑުޖެހިދާނެ އިންޓަވެންޝަންތަކަށް އާ މަގެއް ހުޅުވިއްޖެ،" ޒަންގް ވިދާޅުވިއެވެ.