ވެމްޕަޔާ ފޭޝަލް ހެދި ތިން އަންހެނަކަށް އެޗްއައިވީ ޖެހިއްޖެއެވެ.
މިއީ ނީޑްލްސް ބޭނުންކޮށްގެން ކޮސްމެޓިކް ޕްރޮސީޖަރެއްގެ ތެރެއިން ވައިރަސް ޖެހުނު ފުރަތަމަ ފަހަރު ކަމަށް ބެލެވޭ ކަމަށް ރިޕޯޓުތައް ބުނެއެވެ.
ކޮސްމެޓިކް ޕްރޮސީޖާތައް ހެދުމުގެ ލައިސެންސް ނެތް ނިއު މެކްސިކޯގައި ހުންނަ ކްލިނިކަކުން ޚިދުމަތް ހޯދާފައިވަނީ 40 ގެ އަހަރުތައް ގުނަމުންދާ ތިން އަންހެނުންނެވެ.
ސެންޓާސް ފޯ ޑިޒީސް ކޮންޓްރޯލް އެންޑް ޕްރިވެންޝަން (ސީޑީސީ)ގެ ރިޕޯޓެއްގައި ބުނެފައިވާ ގޮތުގައި 2018 އިން 2023 އަށް އެ ކްލިނިކުން ވަނީ އެއް ފަހަރު ބޭނުންކޮށްފައި ހުންނަ ސާމާނު ދެވަނަ ފަހަރު ވެސް ބޭނުންކޮށްފައެވެ.
އިންޖެކްޝަން މެދުވެރިކޮށް ތަޣައްޔަރުވެފައިވާ ލޭން އެޗްއައިވީ ޖެހުމުގެ ނުރައްކާ އޮތް ނަމަވެސް ސީޑީސީން ބުނީ މިއީ ކޮސްމެޓިކް ޚިދުމަތްދީގެން އެގޮތަށް ބަލި ޖެހުނު ކަމަށް ރިޕޯޓުކުރި ފުރަތަމަ ފަހަރު ކަމަށެވެ.
އެޗްއައިވީ އަކީ އަދި މިހާތަނަށް ފަރުވާއެއް ހޯދިފައިނުވާ ބައްޔެކެވެ.
ޕްލެޓްލެޓް ގިނަ ޕްލާސްމާ މައިކްރޯނީޑްލިން ޕްރޮސީޖަރެއްގެ ނަމުން ވެސް ނަންދެވިފައިވާ "ވެމްޕަޔަ ފޭޝަލް" އަކީ ކްލައިންޓެއްގެ އަމިއްލަ ލޭ ބޭނުންކޮށްގެން އޭގެ ބައިތައް ވަކިކޮށް ނީޑްލްސް ބޭނުންކޮށްގެން މޫނަށް ޕްލާސްމާ ޖަހައި ހަންގަނޑު ޒުވާންކޮށް ބެހެއްޓުމަށް ހަދާ ފޭޝަލްއެކެވެ.